మే 8న కోకాపేట‌లో ఇస్కాన్ టెంపుల్ నిర్మాణానికి సీఎం కేసీఆర్ శంకుస్థాపన

ఈ నెల (మే) 8వ తేదీన హైదరాబాద్ కోకాపేటలో నిర్మించనున్న ఇస్కాన్ టెంపుల్ ఆలయానికి సీఎం కేసీఆర్ శంకుస్థాపన చేయనున్నారు. కోకాపేట్ లో అత్యంత విశాలమైన ప్రాంగణంలో అతి పెద్ద ఆలయాన్ని అంతర్జాతీయ కృష్ణ చైనత్య సంఘం (ఇస్కాన్) నిర్మించబోతోంది. ఈ ఆలయ నిర్మాణానికి ఈ నెల 8న సీఎం కేసీఆర్ శంకుస్థాపన చేయబోతున్నారు. ఇప్పటికే ఆలయ నిర్మాణ నమూనాను ఇస్కాన్ ప్రతినిధులు విడుదల చేశారు. ఈ కట్టడంలో శ్రీరాధాకృష్ణ టెంపుల్, శ్రీనివాస గోవింద టెంపుల్, రాజగోపురం, నిత్యాన్నదాన హాల్ ప్రధానంగా ఉంటాయి. ఇటివ‌లే సెక్రటేరియట్ లో సీఎం కేసీఆర్ ను కలిసిన ఇస్కాన్ ప్రతినిధులు శంకుస్థాపనకు ఆహ్వానించారు. శంకుస్థాపన కార్యక్రమానికి వస్తానని వారికి సీఎం కేసీఆర్ హామీ ఇచ్చారు.