నేపాల్ లో ఘోర బస్సు ప్రమాదం జరిగింది. ధడింగ్ జిల్లాలో ప్రయాణికులతో వెళ్తున్న ఓ బస్సు అదుపుతప్పి నదిలోకి దూసుకెళ్లింది. ఈ ప్రమాదంలో 8 మంది ప్రాణాలు కోల్పోగా.. పలువురు గాయపడ్డారు.
ఖాట్మాండు నుంచి బెనీ హిల్లీ జిల్లా కు వెళ్తున్న బస్సు 60 కిలోమీటర్ల దూరంలో ఉన్న గజూరి వద్దకు అదుపుతప్పి త్రిశూలి నది లోకి దూసుకెళ్లింది. ఈ ఘటనలో 8 మంది ప్రాణాలు కోల్పోగా.. సుమారు 19 మంది గాయపడ్డారు.
నదిలో గల్లంతైన వారి కోసం సహాయక చర్యలు కొనసాగుతున్నాయని ధడింగ్ ఎస్పీ గౌతమ్ మిశ్రా తెలిపారు. మృతుల్లో ఇద్దరు మహిళలు, ఆరుగురు పురుషులు ఉన్నట్లు ఆయన తెలిపారు.
