హైదరాబాద్ మహానగరంలో నడిరోడ్డు మీద, అందరూ చూస్తుండగానే ఓ రౌడీషీటర్ మర్డర్ జరిగింది. ఈ ఘటన బజార్ ఘాట్ లో బుధవారం రాత్రి చోటుచేసుకుంది.
మాసబ్ ట్యాంక్లోని ఫస్ట్సులాన్సర్కు చెందిన మహమ్మద్ ఫిర్దోష్, ఎజాష్ ఇద్దరూ స్నేహితులు. నిన్న రాత్రి ఫిర్దోష్ బైకు మీద వస్తుండగా.. ఎజాష్ కత్తితో దాడిచేశాడు. కత్తితో ఎక్కడపడితే అక్కడ విచక్షణారహితంగా పొడవడంతో ఫిర్దోష్కు తీవ్రగాయాలయ్యాయి. ఫిర్దోష్ వెనుకనుంచి వస్తున్న అతని స్నేహితులు వెంటనే ఆటోలో ఆస్పత్రికి తరలించగా.. అప్పటికే చనిపోయాడు.
సంఘటన స్థలానికి చేరుకున్న పోలీసులు కేసు నమోదు చేసుకొని దర్యాప్తు కొనసాగిస్తున్నారు. గతంలో ఇరువురిపై బంజారాహిల్స్తో పాటు పలు పోలీసుస్టేషన్లలో కేసులు ఉన్నాయి. ఈ హత్యకు పాత కక్షలే కారణమై ఉంటాయని పోలీసులు భావిస్తున్నారు. గతంలో ఇద్దరూ కలిసి పలు నేరాలు చేసినట్లు సమాచారం.
