రన్నింగ్‎లో ఉన్న స్కోడా కారులో మంటలు

రంగారెడ్డి జిల్లాలో రన్నింగ్ కారులో మంటలు వచ్చాయి. రాజేంద్రనగర్ పోలీసు స్టేషన్ పరిధిలోని పీవీఎన్ఆర్ ఎక్స్‎ప్రెస్ వేపై పిల్లర్ నెంబర్ 144 వద్ద స్కోడా కారులో మంటలు చెలరేగాయి. సులేమాన్ నగర్‎కు చెందిన ఐదుగురు వ్యక్తులు మెహిదిపట్నం నుంచి శంషాబాద్ వైపు వెళుతుండగా.. ఒక్కసారిగా కారులో మంటలు వచ్చాయి. వెంటనే కారును ఆపి, అందరూ కిందికి దిగారు. కాగా.. ఈ ప్రమాదంలో కారు పూర్తిగా దగ్ధం అయింది. ఈ ఘటనలో ఎవరికీ ఎలాంటి గాయాలు కాకపోవడంతో అందరూ ఊపిరి పీల్చుకున్నారు. కేసు నమోదు చేసిన పోలీసులు దర్యాప్తు చేపట్టారు.