ఆంధ్ర ప్రదేశ్ రాజకీయ నాయకుడు పవన్ కళ్యాణ్ తెలంగాణలో మల్కాజిగిరి సీటుపై కన్నేసినట్టు రాజకీయ వర్గాల్లో చర్చ వినిపిస్తుంది. ఇందులో భాగంగానే బీజేపీతో పొత్తు పెట్టుకొని ఈ సీటు దక్కించుకునేలా ప్రణాళికలు చేస్తున్నాడట. ఇప్పటికే చంద్రబాబు జైలు పాలవ్వటంతో.. టీడీపీతో పొత్తు పెట్టుకుని పొలిటికల్ అడ్వాంటేజ్ పై ఫోకస్ పెట్టారు పవన్. ఈ నేపథ్యంలో తెలంగాణలోను పొత్తులపై బీజేపీ అధిష్టానంతో కీలక చర్చలు జరుపుతున్నారు. ఇక పొత్తులో భాగంగా బీజేపీ ఈ సీటును జనసేనకే కేటాయించవచ్చని కూడా సదురు రిపోర్టులు అందుతున్నాయి.
అయితే 2018 ఎన్నికల్లో 75వేల భారీ మెజారిటీతో బీఆర్ఎస్ మల్కాజిగిరిలో సంచలన విజయం సాధించింది. బీజేపీ కీలక నేత రామచంద్రరావుని చిత్తుగా ఓడించింది బీఆర్ఎస్. ఈ సారి కూడా అదే సీన్ రిపీట్ కానుందని సర్వేలు చెప్తున్నాయి. కేవలం సెటిలర్స్ ఓట్లని చీల్చడానికే బీజేపీ, జనసేన చేస్తున్న ఈ ప్రయత్నాలు ఫలించవని బీఆర్ఎస్ చెప్తుంది. తెలంగాణలో సెటిల్ అయిన ఏపీ ప్రజలంతా బీఆర్ఎస్ వైపే ఉన్నారని.. కంటికి రెప్పలా వారిని కాపాడుకుంటూ వస్తున్న కేసీఆర్ తోనే సెటిలర్స్ ఉన్నారని.. మల్కాజిగిరిలో బీఆర్ఎస్ ప్రభంజనాన్ని ఎవరు ఆపలేరని నెటిజన్స్ సైతం కామెంట్స్ చేస్తున్నారు.
