జనగామ జిల్లాలో వచ్చే నెల 4న సీఎం కేసీఆర్ పర్యటనలో భాగంగా పాలకుర్తి మండలం వాల్మీడి గ్రామంలోని సీతారాముల దేవస్థానంలో అన్ని శాఖల అధికారులతో సమీక్ష సమావేశంలో పాల్గొని జరుగుతున్న అభివృద్ధి పనులను పరిశీలించారు మంత్రి ఎర్రబెల్లి దయాకర్ రావు. ఈ సమావేశంలో కలెక్టర్ శివలింగయ్య, ఆడిషినల్ కలెక్టర్ రోహిత్ శర్మ, ప్రజా ప్రతినిధులు పాల్గొన్నారు.
ఈ సందర్భంగా మంత్రి ఎర్రబెల్లి మాట్లాడుతూ.. ‘వచ్చే నెల 4న వాల్మీడికి రానున్నారు సీఎం కేసీఆర్. అనంతరం మధ్యాహ్నం 1 గంటకు పాలకుర్తి వాల్మీడిలో శ్రీ సీతారాముల కల్యాణానికి మంత్రులు హరీష్ రావు, ఇంద్రకరణ్ రెడ్డి, శ్రీనివాస్ గౌడ్, సత్యవతి రాథోడ్ లతో పాల్గొంటారు. ఈ నేపథ్యంలో పాలకుర్తిలో 25 కోట్లతో హరిత హోటల్ కు శంకుస్థాపన చేయనున్నారు సీఎం కేసీఆర్. ఇక అధికారులు, ప్రజాప్రతినిధులు సమన్వయంతో పని చేయాలని.. వాల్మీడి కట్టడాలు మరో భద్రాద్రిని తలపిస్తున్నాయని.. సీఎం కేసీఆర్ పర్యటనను విజయవంతం చేయాలని మంత్రి ఎర్రబెల్లి పేర్కొన్నారు.
