మహిళలకు ఉద్యోగ నియామకాల్లో తీవ్ర అన్యాయం చేసే ఈ జీవోకు వ్యతిరేకంగా భారత జాగృతి ఆధ్వర్యంలో ఎమ్మెల్సీ ఇవాళ హైదరాబాద్ లో ధర్నా చౌక్ లో దీక్ష చేపట్టారు ఎమ్మెల్సీ కవిత. ఉదయం 11 గంటల ప్రారంభమైన ఈ దీక్ష యంత్రం 4 గంటల వరకు కొనసాగనుంది. జీవో నంబర్‌ 3ను రద్దు చేయాలని డిమాండ్‌ చేయనున్నారు. ఈ జీవో కారణంగా ప్రభుత్వ నియామకాల్లో మహిళల రిజర్వేషన్ల అమలులో తీవ్ర అన్యాయం జరుగుతుందని, అంతర్జాతీయ మహిళా దినోత్సవం సందర్భంగా ఆడబిడ్డలకు జీవో-3 వల్ల జరిగే నష్టం గురించి ధర్నాల్లో వివరించనున్నారు.
రాష్ట్రంలో రేవంత్‌రెడ్డి నేతృత్వంలో మహిళా వ్యతిరేక ప్రభుత్వం పాలన సాగిస్తోందని ఎమ్మెల్సీ కవిత ఆరోపించారు. హైదరాబాద్‌లోని తన నివాసంలో కవిత నిన్న(గురువారం) మీడియాతో మాట్లాడారు. ఆడబిడ్డలకు తరతరాలపాటు నష్టం జరిగే విధంగా ఈ ప్రభుత్వం జీవో-3ను జారీ చేసిందని ఆగ్రహం వ్యక్తం చేశారు. కానీ పోలీసులు అనుమతి ఇవ్వలేదని తెలిపారు. అనుమతి లభించకపోయినా ధర్నా చేసి తీరుతామని ఆమె తేల్చి చెప్పారు. అయితే ఇవాళ( శుక్రవారం) ఉదయం కవిత దీక్షకు పోలీసులు అనుమతి జారీచేశారు.
