హైదరాబాద్: జవహర్ నగర్ మున్సిపాలిటీ పరిధిలో ఉన్న హైదరాబాద్ మెట్రోపాలిటన్ డెవలప్ మెంట్ అథారిటీ(హెచ్ఎండీఏ) ఖాళీ స్థలాలపై కన్నేసి అక్రమ నిర్మాణాలు చేపట్టిన వారిపై హెచ్ఎండీఏ కొరడా ఝలిపించింది. జవహర్ నగర్ హెచ్ఎండీఏ భూములలో అక్రమ నిర్మాణాలను మంగళవారం ఉదయం అధికారులు, ఎన్ఫోర్స్మెంట్ యంత్రాంగం స్థానిక పోలీసుల సహకారంతో సంయుక్తంగా కూల్చివేశాయి.
హెచ్ఎండీఏ పరిధిలోని పలు సర్వే నెంబర్లలో దాదాపు మూడు వేల(3,000) గజాల స్థలాల్లో చేపట్టిన అక్రమ నిర్మాణాలను అధికారులు నేలమట్టం చేశారు. వాటిల్లో మూడు (3) ఇండ్లు, ఐదు (5) బేస్మెంట్లు, కొన్ని కరెంటు స్తంభాలు, కొన్నిచోట్ల కాంపౌండ్ వాల్ నిర్మాణాలు ఉన్నాయి. జవహర్ నగర్ మున్సిపాలిటీ పరిధిలో అక్రమ నిర్మాణాలకు పాల్పడిన వారిని గుర్తించారు. వారిపై జవహర్ నగర్ పోలీస్ స్టేషన్లో హెచ్ఎండీఏ అధికారులు ఫిర్యాదు చేశారు. కేసు నమోదు చేసిన పోలీసులు దర్యాప్తు చేస్తున్నారు.
కబ్జాదారులపై కొరడా విసిరిన హెచ్ఎండీఏ
