మావోయిస్టుల పట్ల కర్కశత్వమే కాదు మానవత్వం కూడా ఉంటుందని నిరూపించారు పోలీసులు. తీవ్రంగా గాయపడ్డ మావోయిస్టు పట్ట పోలీసులు మానవత్వాన్ని చూపారు. జార్ఖండ్ లోని హుస్సిపీ అడవిలో మావోయిస్టులకు, పోలీసులకు మధ్య భీకర ఎన్ కౌంటర్ జరిగింది. ఈ ఎన్ కౌంటర్ లో ఓ మావోయిస్టు తీవ్రంగా గాయపడ్డాడు. అయితే ఆ వ్యక్తిని సహచర మావోయిస్టులు అక్కడే వదిలేసి వెళ్లారు. నొప్పితో విలవిల్లాడుతున్న ఆ మావోయిస్టును పోలీసులు భుజాలపై ఎత్తుకుని ఐదు కిలోమీటర్ల దూరం నడిచారు. ఆసుపత్రిలో చేర్చించి వైద్యం అందించారు. ఆపద సమయంలో శత్రువుకు కూడా ప్రాణదాం చేసిన పోలీసులపై ప్రశంసలు కురిపిస్తున్నారు.
ఇది కూడా చదవండి: కూకట్ పల్లిలో కాంగ్రెస్ కి షాక్.. రేవంత్ రెడ్డికి వ్యతిరేకంగా..!
ఇలాంటి ఘటనే గతంలో చత్తీస్ గఢ్ లోనూ చోటుచేసుకుంది. దంతెవాడలో గాయపడిన ఓ మావోయిస్టును చికిత్స కోసం అడవుల నుంచి దాదాపు 12 కిలోమీటర్ల దూరం పోలీసులు మోసుకెళ్లారు. మంచంపై పోలీసులు తీసుకెళ్లడం చూసిన ప్రజలు హర్షం వ్యక్తం చేశారు. నదులు, కొండలు దాటుకుంటూ ఆ మావోయిస్టును జిల్లా ఆసుపత్రి తరలించారు. మావోయిస్టులు కూడా భారత పౌరులేనని…వారు తప్పు చేస్తే శిక్షించేందుకు కోర్టులు ఉన్నాయని అప్పటి దంతేవాడ ఎస్పీ ఉన్నారు. ఒక భారత పౌరుడిగా వైద్యపరమైన చికిత్సను పొందే హక్కు కూడా తనకు ఉందన్నారు.
