బ్రిటిష్ సామ్రాజ్య మహారాణి ఎలిజబెత్-2 వినియోగించుకున్న ‘లోరీ బ్లూ రేంజ్ రోవర్’ కారును బ్రేమ్ లీ సంస్థ వేలానికి పెట్టింది. దీని ధర 2,24,850 పౌండ్లు (రూ.2 కోట్ల పైచిలుకు)గా నిర్ణయించింది. 2016, 2017ల్లో రాజ కుటుంబ సభ్యుల కోసం ఈ కారు వినియోగించారు. రాజ కుటుంబ సభ్యుల కోసమే అని తెలిపేలా ‘ట్రూ లాండ్ యాచ్’ అని పేర్కొన్నారు.
కన్వర్ట్ లైటింగ్, ప్రత్యేకంగా ఏర్పాటు చేసిన ఫిక్స్‌డ్ స్టెప్స్, పోలీస్ ఎమర్జెన్సీ లైటింగ్, తేలిగ్గా వాహనం గురించి తెలిసేలా కారుకు పలు మార్పులూ చేర్పులూ చేశారు. బ్లాక్ డైమండ్, బ్లాక్ లెదర్ ఇంటీరియర్, బ్లాక్ బ్యాడ్జి కార్బన్ ఫిబ్రే ట్రిమ్’తో కారు రూపొందించారు. అదనంగా ‘షూటింగ్ స్టార్ హెడ్ లైనర్, ఆర్ఆర్ మోనో గ్రామ్స్ టు హెడ్ రెస్ట్స్’, మసాజ్ సీట్లు, ప్రైవసీ గ్లాస్, డ్రైవర్ అసిస్టెన్స్ సిస్టమ్స్’ వంటి ఆప్షనల్ ఫీచర్లు జత చేశారు. 2024 మార్చి నెలాఖరు వరకూ రోల్స్ రాయిస్ వారంటీ అందుబాటులో ఉంటుంది.
ఇది కూడా చదవండి: పార్సిళ్ల పేరుతో మోసాలు.. జాగ్రత్త
