ఘటన కెనడాలో నిమానిటోబా ప్రావిన్స్ లో రోడ్డు ప్రమాదం జరిగింది. ఓ ట్రక్కును బస్సు ఢీకొన్న ఘటనలో 15 మంది మృతి చెందారు. మానిటోబా ప్రావిన్స్లోని గ్రామీణ ప్రాంతంలోని హైవే కూడలిలో 25 మంది ప్రయాణికులతో క్యాసినో వెళ్తున్న బస్సు.. ఓ ట్రక్కును ఢీకొట్టింది. ఈ ప్రమాదంలో 15 మంది మృతి చెందగా.. మరో 10 మంది గాయపడ్డారు.
విషయం తెలుసుకున్న పోలీసులు ఘటనా స్థలానికి చేరుకుని సహాయక చర్యలు చేపట్టారు. హెలికాప్టర్ల తో గాయపడిన వారిని ఆస్పత్రికి తరలించారు. అయితే.. ప్రమాదం జరిగిన బస్సులో ఉన్న వారంతా వయో వృద్ధులని పోలీసులు తెలిపారు. ఈ ప్రమాదంపై కెడనా ప్రధాని జస్టిన్ ట్రూడో విచారం వ్యక్తం చేశారు.