శ్రీకృష్ణునికి ప్రీతిపాత్రమైన భాద్రపద మాసం శ్రావణ మాసం తర్వాత ప్రారంభమవుతుంది. 2023 భాద్రపద మాసం సెప్టెంబర్ 15 నుండి ప్రారంభమైంది. భాద్రపద మాసంలో ఏం చేయాలి..? ఏం చేయకూడదు..? ఈ నెల నియమాలు మీకు తెలుసా?
హిందూ ధర్మంలో ప్రతి మాసానికి ప్రత్యేక ప్రాముఖ్యత ఉంది. ఇప్పుడు శ్రావణ మాసం కొనసాగుతోంది. ఈ మాసం త్వరలో ముగియనుంది. శ్రావణ మాసం తర్వాత భాద్రపద మాసం ప్రారంభమవుతుంది. మతపరమైన దృక్కోణంలో ఈ నెల చాలా ముఖ్యమైనది. ఈ మాసంలో జగత్తు సృష్టికర్త అయిన శ్రీ హరికృష్ణ రూపాన్ని పూజిస్తారు. భాద్రపద మాసంలో అనేక ఉపవాసాలు , పండుగలు ఆచరిస్తారు. భాద్రపద మాసం చాతుర్మాసంలో రెండవ మాసం. ఈ భాద్రపద మాసం సెప్టెంబర్ 15, 2023 శుక్రవారం నుండి ప్రారంభమై అక్టోబర్ 14, 2023 శనివారంతో ముగుస్తుంది. ఈ మాసానికి సంబంధించిన కొన్ని నియమాలు గ్రంథాలలో పేర్కొనబడ్డాయి. ఇలాంటి పరిస్థితుల్లో భాద్రపద మాసంలో ఏం చేయాలి..? ఏం చేయకూడదో తెలుసా?
గంగా స్నానం:
భాద్రపద మాసంలో గంగాస్నానానికి విశిష్టత ఉంది. ఈ మాసంలో నదీస్నానం చేయాలి. పవిత్ర నదులలో స్నానం చేయడం వల్ల పాపాలు నశించి పుణ్యఫలితాలు లభిస్తాయి. పుణ్యనదులలో స్నానం చేయలేని పక్షంలో ఇంట్లో ఉన్న స్నానపు నీటిలో గంగాజలం కలుపుకుని స్నానం చేయవచ్చు.
శుభ్రమైన ఆహారం:
భాద్రపద మాసంలో స్వచ్ఛమైన ఆహారం తీసుకోవడం చాలా మంచిది. ఇది ఆధ్యాత్మిక దృక్కోణంలో మాత్రమే కాకుండా శాస్త్రీయ దృక్కోణంలో కూడా నిజం. శాస్త్రోక్తంగా ఈ మాసంలో వాతావరణంలో మార్పులు వస్తుంటాయి..ఆహారం విషయంలో జాగ్రత్తలు తీసుకోకుంటే రోగాల బారిన పడే అవకాశాలు ఎక్కువ. ఆధ్యాత్మికంగా, ఈ మాసంలో అపవిత్రమైన ఆహారం తినడం వల్ల ఈ మాసంలో చేసిన పూజలు లేదా ఉపవాసం ఫలితం ఉండదు.
తులసి:
శ్రీహరి అవతారమైన శ్రీకృష్ణుడికి కూడా తులసి అంటే చాలా ఇష్టం. ఈ కారణంగా భోగాన్ని సమర్పించి పూజించేటప్పుడు తులసి దళాన్ని శ్రీకృష్ణునికి సమర్పిస్తారు. భాద్రపద మాసంలో శ్రీకృష్ణునికి తులసి రేకులను నైవేద్యంగా పెట్టి, తులసి మొక్కకు నీరు నైవేద్యంగా పెట్టడం వల్ల శ్రీకృష్ణుని అనుగ్రహం తప్పకుండా లభిస్తుంది.
ఇవి తినకూడదు:
భాద్రపద మాసంలో పచ్చి ఆహారం తినకూడదు. ఈ మాసంలో పెరుగు, బెల్లం వంటి వాటికి దూరంగా ఉండాలి. ఈ మాసంలో వర్షంతో పాటు చలిగాలులు వీస్తుండటంతో రోగాల బారిన పడే అవకాశాలు ఎక్కువగా ఉంటాయి.
మాంసం తినకూడదు:
భాద్రపద మాసంలో మాంసాహారం, మద్యం సేవించకూడదు. ఈ మాసంలో మాంసాహారం తింటే భగవంతుని ఆగ్రహానికి గురవుతారని నమ్మకం. ఈ మాసంలో వీలైనంత ఎక్కువ శాకాహారం తినండి. ఇది మీకు మంచి ఆరోగ్యాన్ని కూడా అందిస్తుంది. పరిశుభ్రతపై ప్రత్యేక శ్రద్ధ వహించండి.
ఈ తప్పు చేయవద్దు:
మత విశ్వాసాల ప్రకారం, భాద్రపద మాసంలో ఆదివారం జుట్టు కత్తిరించకూడదు.ఆహారంలో ఉప్పు వాడకూడదు.
