మసాజ్ సెంటర్ ముసుగులో వ్యభిచారం నిర్వహిస్తున్న స్పా సెంటర్పై నార్త్ జోన్ టాస్క్ ఫోర్స్ పోలీసులు దాడులు చేశారు. ఈ దాడులలో ముగ్గురు నిర్వాహకులను, పదిమంది యువతులను, 18 మంది విటులను బంజారా హిల్స్ పోలీసులు అదుపులోకి తీసుకున్నారు. పోలీసుల వివరాల ప్రకారం.. భద్రాచలం పట్టణానికి చెందిన రాయల శృతి అనే యువతి డాక్టర్ కావాలని అనుకంది. అందులో భాగంగా ఉక్రెయిన్లో మెడిసిన్ సీట్ సంపాదించింది. అక్కడ మెడిసిన్ మొదటి సంవత్సరం పూర్తిచేసి, రెండో సంవత్సరం ఫీజు చెల్లించలేక చదువు ఆపేసి, తిరిగి భద్రాచలానికి వచ్చింది. కొన్నాళ్ల తర్వాత అమీర్ పేటలో ఎయిర్ హోస్టెస్గా శిక్షణ తీసుకుంది. ఆ శిక్షణకు అయ్యే ఖర్చు కోసం బంజారా హిల్స్లోని ఓ స్టార్ హోటల్లో రిసెప్షనిస్ట్గా పార్ట్ టైం జాబ్ చేసేది. అయితే ఆ వచ్చిన డబ్బు సరిపోకపోవడంతో ఎయిర్ హోస్టెస్ శిక్షణ కూడా మధ్యలోనే ఆగిపోయింది. డబ్బు లేకపోవడం వల్లే తన కలలు కలలుగానే మిగిలిపోయాయని శృతి భావించింది. డాక్టర్గా, ఎయిర్ హోస్టెస్గా కన్న కలలు తీరకపోవడంతో తేలిగ్గా డబ్బు సంపాదించాలని శృతి అనుకుంది.
ఈ క్రమంలో బంజారా హిల్స్, రోడ్ నెంబర్ 10లోని ఓ అపార్ట్మెంట్లో రమణ ,జాహెద్ అనే వ్యక్తులతో కలిసి పర్పుల్ నేచురల్ హెల్త్ త్రూ ఆయుర్వేద పేరుతో స్పా సెంటర్ను ఏర్పాటు చేసింది. వివిధ ప్రాంతాల నుంచి యువతులను రప్పించి ఆ అపార్ట్మెంట్లో గుట్టు చప్పుడు కాకుండా వ్యభిచారం నిర్వహిస్తున్నారు. విషయం తెలుసుకున్న పోలీసులు.. దాడి చేసి శృతిని అరెస్ట్ చేశారు. కాగా.. కొన్నాళ్లకు ముందు కూడా శృతి పంజాగుట్ట పోలీస్ స్టేషన్ పరిధిలో ఓ మసాజ్ సెంటర్ తెరిచి వ్యాపారం మొదలుపెట్టింది. దాంతో పోలీసులు దాడిచేసి శృతిని అరెస్ట్ చేశారు. కొన్నాళ్ల తర్వాత జైలు నుండి బయటకు వచ్చిన శృతి.. తిరిగి వ్యాపారం మొదలుపెట్టింది. ఈ క్రమంలో మరోసారి దాడి చేసిన పోలీసులు.. దాడిచేసి ముగ్గురు నిర్వాహకులతో పాటు 18 మంది విటులపై కేసు నమోదు చేసి రిమాండ్కు తరలించారు. పట్టుపడిన యువతులను రెస్క్యూ హోంకు తరలించారు.
