భారతీయ సంస్కృతిలో తమలపాకులకు ఎంతో ప్రాముఖ్యత ఉంది.తమలపాకులను భారతదేశంలో శతాబ్దాలుగా ఉపయోగించబడుతోంది.ఈ ఆకులను భారతీయులు పూజలోనూ ఉపయోగిస్తారు. అంతేకాదు శతాబ్దాలుగా ఆయుర్వేద వైద్యశాస్త్రంలో ఔషధాల తయారీలో ఉపయోగిస్తున్నారు. తమలపాకులను నేరుగా తిన్నాకూడా ఎన్నో ఆరోగ్య ప్రయోజనాలను పొందవచ్చు. పచ్చితమలపాకులను తినడం ఇష్టం లేకుంటే దాన్ని జ్యూస్ రూపంలో చేసి కూడా తాగవచ్చు. తమలపాకు వాటర్ తాగడం వల్ల అనేక బెనిఫిట్స్ పొందవచ్చు. అవేంటో చూద్దాం.
తమలపాకులను యాంటీ ఆక్సిడెంట్లకు పవర్‌హౌస్‌గా చెబుతారు. ఇందులో ఉండే యాంటీ ఆక్సిడెంట్లు ఫ్రీ రాడికల్స్ వల్ల వచ్చే సమస్యల నుంచి శరీరాన్ని రక్షిస్తాయి.ఈ నీటిని నిత్యం తాగితే మలబద్దకం సమస్య చాలా వరకు నయమవుతుంది.అంతేకాదు శ్వాసలోపం నుండి ఉపశమనం లభిస్తుంది. ఈ నీరు త్రాగడం వల్ల దగ్గు,జలుబు నయమవుతుంది. ఊపిరితిత్తులలో పేరుకుపోయిన కఫాన్ని టాక్సిన్ రూపంలో బయటకు పంపిస్తుంది. ఆస్తమా బాధితులకు మంచి ఔషధం వలే పనిచేస్తుంది.
తమలపాకు నీటిని క్రమం తప్పకుండా తాగడం వల్ల నోటి దుర్వాసనకు చెక్ పెట్టవచ్చు. ఇందులో ఉండే యాంటీమైక్రోబయల్ లక్షణాలు..నోటిలోని బ్యాక్టీరియాను చంపగలవు. కావిటీస్, దంత క్షయం, ఫలకం సంబంధించిన సమస్యలను తగ్గిస్తుంది. ఆహారం తిన్న తర్వాత ఉబ్బరం సమస్యతో బాధపడేవారికి తమలపాకు ఎంతో మేలు చేస్తుంది. ఇందులో ఉండే యాంటీ ఇన్ఫ్లమేటరీ లక్షణాలు.. జీర్ణశయాంతర సమస్యల నుండి మీ పొట్టకు ఉపశమనం కలిగించడంలో ప్రభావవంతంగా పనిచేస్తాయి. మీకు అజీర్ణం, కడుపు ఉబ్బరం సమస్యలు ఉంటే తమలపాకు నీరు తాగితే ఎంతో మేలు జరుగుతుంది. కీళ్లనొప్పులు, ఆస్టియోపోరోసిస్, ఆర్థరైటిస్ వల్ల కలిగే నొప్పి సమస్యల నుంచి కూడా ఉపశమనం పొందవచ్చు. 2 నుండి 3 తమలపాకులను తీసుకుని వాటిని రసాన్ని తీయండి. ఇందులో 1 గ్లాసు పోసి రాత్రంతా అలాగే ఉండనివ్వండి. ఈ నీటిని ఉదయం ఖాళీ కడుపుతో త్రాగాలి. ఇలా తాగితే మలబద్ధకం సమస్య తగ్గుతుంది.
ఇది కూడా చదవండి: ఎలక్షన్ కమిషనర్లుగా సుఖ్‌బీర్ సింగ్ సంధు, జ్ఞానేష్ కుమార్!
