ఏ రౌడీలో, గుండాలో, కబ్జాలకు పాల్పడటం చూశాం. కానీ, ఇక్కడ ఓ హీరోయిన్ కోట్ల విలువైన ఇంటి కబ్జాకు ప్రయత్నించింది. అమెరికాకు చెందిన ఒక మహిళకు జూబ్లీహిల్స్లో రూ. 30 కోట్ల విలువ చేసే ఇల్లు ఉంది. ఈ ఇంటికి సంబంధించిన లీజు కేసు కోర్టులో నడుస్తోంది. ఇదే కేసు విషయంగా నటి, బిగ్ బాస్ ఫేమ్ స్వాతి దీక్షిత్కు, ఆ ఇంటి యజమానురాలికి ఏడాది కాలంగా గొడవ జరుగుతుంది. ఈ నేపథ్యంలోనే ఇంట్లో ఎవరులేని సమయంలో కొంతమంది దుండగులను వెంటపెట్టుకొని స్వాతి దీక్షిత్, చింతల ప్రశాంత్లు ఆ ఇంట్లోకి ప్రవేశించారు. వాచ్ మెన్ను బెదరించి వెంటనే ఇల్లు ఖాళీ చేయాలని, లేకపోతే చంపేస్తామని బెదిరించారు. దాంతో భయపడిన వాచ్ మెన్.. జూబ్లీహిల్స్ పోలీస్ స్టేషన్కు వెళ్లి ఫిర్యాదు చేశాడు. కేసు నమోదు చేసిన పోలీసులు.. స్వాతితో పాటు మరో 20 మందిపై పలు సెక్షన్ల కింద కేసు నమోదు చేశారు.
Read Also: కాటేసిన పామును కూడా ఆస్పత్రికి పట్టుకొచ్చిన యువకుడు
స్వాతి దీక్షిత్ గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. ఏం పిల్లో ఏం పిల్లడో చిత్రంలో హీరోయిన్ స్నేహితురాలిగా నటించి మెప్పించింది. ఆ తరువాత 2012లో బెంగాలీలో తోర్ నామ్ సినిమాలో తొలిసారి హీరోయిన్గా నటించింది. తెలుగులో దెయ్యం, జంప్ జిలాని, గమ్మత్తు లాంటి సినిమాల్లో కనిపించింది. బిగ్ బాస్ సీజన్ 4లో కంటెస్టెంట్గా కూడా పాల్గొంది.
