చెరువులో పడ్డాడనుకుంటే.. మ్యాన్ హోల్‎లో శవమై తేలాడు

చెరువులో పడ్డాడనుకున్న వ్యక్తి.. పక్కనే ఉన్న మ్యాన్ హోల్‎లో శవమై తేలిన ఘటన మేడ్చల్ జిల్లాలో జరిగింది. ఘట్‎కేసర్ పోలీస్ స్టేషన్ పరిధిలోని కొండాపూర్ సమీపాన ఉన్న మంగళవాని చెరువులో సంతోష్ అనే బాలుడు ప్రమాదవశాత్తు పడి గల్లంతయ్యాడని పోలీసులకు ఫిర్యాదు అందింది. దాంతో పోలీసులు రెండు రోజులుగా ఆ చెరువులో సంతోష్ కోసం జల్లెడపడుతున్నారు. కాగా.. ఈ రోజు చెరువు పక్కనే ఉన్న వాసవి వెంచర్‎లోని మ్యాన్ హోల్‎లో ఓ శవం ఉందని పోలీసులకు సమాచారమొచ్చింది. దాంతో పోలీసులు హుటాహుటిన అక్కడకు వెళ్లి.. శవాన్ని బయటకు తీసి చూడగా.. అది సంతోష్ శవం అని గుర్తించారు. నమోదు చేసిన పోలీసులు.. సంతోష్‎ని ఎక్కడో చంపి ఈ మ్యాన్ హోల్‎లో పడేశారా అనే కోణంలో దర్యాప్తు చేస్తున్నారు.