విద్యార్థులు ప్ర‌భుత్వం అందించే వ‌స‌తుల‌ను స‌ద్వినియోగం చేసుకోవాలి

బాలానగర్ మండలం హైదర్ నగర్‌లోని మైనార్టీ గురుకుల పాఠశాల, కళాశాలను కూక‌ట్‌ప‌ల్లి నియోజకవర్గ బీఆర్ఎస్ ఎమ్మెల్యే మాధవరం కృష్ణారావు ఇవాళ(గురువారం) సందర్శించారు. రాష్ట్ర ప్రభుత్వం అందిస్తున్న గురుకుల పాఠశాల ఉచిత విద్య సందర్భంగా 5, 6 7, 8 తరగతి లకు ప్రవేశాలు జరుగుతున్నాయని… ఇందులో భాగంగా మైనారిటీ విద్యార్థులు ఈ అవకాశాన్ని ఉపయోగించుకోవాలని సూచించారు.

గురుకుల పాఠశాల నిర్మాణం కొరకు దూలపల్లి లో మరొక రెండున్నర ఎకరాలు కేటాయించామని తెలిపారు మాధవరం కృష్ణారావు. ఉత్తమ ప్రతిభ సాధించిన విద్యార్థులకు ఎమ్మెల్యే ప్రశంసా పత్రాలను అందించారు. ఆ తర్వాత  విద్యార్థులకు నోటుబుక్స్, యూనిఫామ్, బూట్లు, దుప్పట్లు అందించారు. ఈ కార్యక్రమంలో మేడ్చల్ జిల్లా మైనార్టీ అధ్యక్షులు మహమ్మద్ గౌసోద్దీన్, పాఠశాల ప్రధానోపాధ్యాయులు జితేందర్, ఉపాధ్యాయులు, విద్యార్థులు పాల్గొన్నారు.

ఇది కూడా చదవండి: మైనంపల్లి హనుమంత రావుపై చర్యలు తీసుకోండి: లోకాయుక్త