కేరళలోని 2,600దేవాలయాల్లో గన్నేరు పువ్వులను నిషేధించారు. ప్రజల ఆరోగ్యాన్ని దృష్టిలో ఉంచుకుని దేవస్వం బోర్డులు ఈ నిర్ణయం తీసుకున్నాయి. ఈ పువ్వులు ప్రకృతిలో విషపూరితమైన..మానవులతో సహా జంతువులకు హాని కలిగిస్తాయని.. ట్రావెన్కోర్ దేవస్వోమ్ బోర్డు (టిడిబి) మలబార్ దేవస్వోమ్ బోర్డు (ఎండిబి) ఈ నిర్ణయం తీసుకున్నాయి.ట్రావెన్కోర్ దేవోస్వామ్‌ బోర్డు (టీడీబీ) ప్రెసిడెంట్‌ పీఎస్‌ ప్రశాంత్‌ మాట్లాడుతూ.. బోర్డు సమావేశం తర్వాత ఈ నిర్ణయం తీసుకున్నట్లు చెప్పారు . ట్రావెన్‌కోర్‌లోని 1,248 దేవాలయాల నిర్వహణను TDBకి అప్పగించిన సంగతి తెలిసిందే. ఇది కాకుండా, MBD 1,400 దేవాలయాల పరిపాలనను చూస్తుంది. మొత్తంమీద, రెండు బోర్డుల క్రింద 2,600 కంటే ఎక్కువ దేవాలయాలు ఉన్నాయి. ఇప్పుడు ఈ ఆలయాలన్నింటిలో గన్నేరు పువ్వులను నిషేధించారు. ప్రజల భద్రతను దృష్టిలో ఉంచుకుని ఈ నిర్ణయం తీసుకున్నట్లు ఎంబీడీ అధ్యక్షుడు ఎంఆర్‌ మురళి తెలిపారు.
శాస్త్రవేత్తలు ఏమంటున్నారు?
శాస్త్రవేత్తల ప్రకారం గన్నేరుపువ్వుల్లో టాక్సిక్ కార్డియాక్ గ్లైకోసైడ్స్ అనే రసాయనం ఉంటుంది. దీని వినియోగం మరణానికి కారణమవుతుంది. గన్నేరు పువ్వులో ఉండే కార్డియాక్ గ్లైకోసైడ్‌లు గుండెపై ప్రభావం చూపుతాయి. ఈ రసాయనాలు హృదయ స్పందన రేటును తగ్గిస్తాయని శాస్త్రవేత్తలు చెబుతున్నారు.
ఇది కూడా చదవండి: నిరుద్యోగులకు శుభవార్త..ఎస్బీఐలో భారీగా ఉద్యోగాలు..పూర్తివివరాలివే.!
