దశాబ్దాలుగా ఎన్నడూ లేని విధంగా పొరుగుదేశం పాకిస్థాన్ తీవ్ర ఆర్థిక సంక్షోభాన్ని ఎదుర్కొంటోంది. ఇప్పటికే విద్యుత్ బిల్లుల పెంపుతో ఆ దేశ ప్రజలు పెద్ద ఎత్తున నిరసనలకు దిగుతున్నారు. తమ విద్యుత్ బిల్లులను తగలబెడుతూ.. డిస్కమ్ సంస్థల అధికారులను ఎక్కడికక్కడ నిలదీస్తున్నారు. ఇది చాలదన్నట్లు పాక్లో పెట్రోల్, డీజిల్ ధరలకు రెక్కలొస్తున్నాయి. ఇప్పటికే సెప్టెంబర్ 1న పెట్రోల్ మీద రూ. 14, డీజిల్ మీద రూ. 18 పెంచిన ప్రభుత్వం.. తాజాగా మరోసారి ఆ ధరలను భారీగా పెంచింది. పెట్రోల్ మీద రూ. 26.02 పైసలు, డీజిల్ మీద 17.34 పైసలు పెంచుతున్నట్ల ప్రకటించింది. దాంతో లీటరు పెట్రోల్ ధర రూ. 331.38 పైసలకు చేరుకోగా, డీజిల్ ధర రూ.329.18 పైసలకు చేరింది.
Read Also: తెలంగాణ ప్రభుత్వంలో రోజూ పండుగే
ఇప్పటికే తినడానికి తిండి లేక అల్లాడుతున్న ప్రజలపై ప్రభుత్వం నిర్ణయం భారీ ప్రభావం చూపనుంది. ఆయిల్ ధరలు పెరగడంతో.. నిత్యావసరాల ధరలు కూడా పెరిగి అవకాశముందని వ్యాపారులు అంటున్నారు.
