తెలంగాణలో ఆదరణ పెంచుకునేందుకు కాంగ్రెస్ పార్టీ పడరాని పాట్లు పడుతోంది. సోషల్ మీడియాలో తప్ప పార్టీకి క్షేత్రస్థాయిలో ఏ మాత్రం ఆదరణలో లేదని సర్వేల్లో తేలిపోయింది. దాంతో ఎలాగైనా తమ బలం చూపించుకోవాలని కాంగ్రెస్ నాయకులు ఉవ్విళ్లూరుతున్నారు. ఈ క్రమంలో హైదరాబాద్లో ఈ నెల 17న కాంగ్రెస్ వర్కింగ్ కమిటీ సమావేశాలకు ఏర్పాటుచేశారు.
ఈ నేపథ్యంలో హైదరాబాద్ రోడ్లపై కాంగ్రెస్ నేతల స్కాంలతో పోస్టర్లు వెలిశాయి. ఈ పోస్టర్లు నేతల గుండెల్లో గుబులు రేపడంతో పాటు.. జనాల్లో ఆలోచనను తెప్పిస్తున్నాయి. ఈ పోస్టర్లు ఇప్పుడు కాంగ్రెస్ నాయకులతో పాటు నగరవ్యాప్తంగా కలకలం సృష్టిస్తున్నాయి. కాంగ్రెస్ వర్కింగ్ కమిటీకి బదులు ‘కరప్ట్ వర్కింగ్ కమిటీ’ అంటూ ప్రధాన మార్గాల్లో పోస్టర్లు అంటించారు. కాంగ్రెస్ వర్కింగ్ కమిటీ (CWC) సభ్యుల ఫొటోలు, వారు చేసిన స్కాముల వివరాలతో పోస్టర్లు వెలిశాయి.
ఈ పోస్టర్లలో కాంగ్రెస్ జాతీయ అధ్యక్షుడు మల్లికార్జున ఖర్గే, మాజీ ప్రధాని మన్మోహన్ సింగ్, కాంగ్రెస్ పార్టీ మాజీ అధ్యక్షురాలు సోనియా గాంధీ, రాహుల్ గాంధీ, ప్రియాంక గాంధీ సహా మొత్తం 24 మంది కాంగ్రెస్ వర్కింగ్ కమిటీ సభ్యుల ఫొటోలను, వారి స్కాంల వివరాలతో సహా బయటపెట్టారు. బివేర్ ఆఫ్ స్కామర్స్ (స్కాములు చేసే వాళ్ల పట్ల అప్రమత్తంగా ఉండండి) అంటూ టాగ్ లైన్ పెట్టారు. కాగా.. ఈ పోస్టర్లను ప్రజలు ఆసక్తిగా గమనిస్తున్నారు. యూపీఏ హయాంలో జరిగిన స్కాంల గురించి మరోసారి చర్చించుకుంటున్నారు.
పోస్టర్లో ఉన్న CWC నేతల పేర్లు, వారి స్కాములు..
మల్లికార్జున ఖర్గే – నేషనల్ హెరాల్డ్ స్కాం
సోనియా గాంధీ – నేషనల్ హెరాల్డ్ స్కాం, ఛాపర్ స్కాం
మన్మోహన్ సింగ్ – కోల్ అలోకేషన్ స్కాం
రాహుల్ గాంధీ – నేషనల్ హెరాల్డ్ స్కాం
ఏకే ఆంటోనీ – నేషనల్ హెరాల్డ్ స్కాం
మీరా కుమార్ – నేషనల్ హైవేస్ అథారిటీ స్కాం
దిగ్విజయ్ సింగ్ – రిక్రూట్ మెంట్ స్కాం
చిదంబరం – ఫోర్జరీ, స్టాక్ మార్కెట్ , శారదా చిట్ ఫండ్, వీసా స్కాం
లాల్ థన్ వాలా –మధ్యాహ్న భోజన స్కాం, లాటరీ స్కాం
ముఖుల్ వాస్నిక్ – ఎలక్షన్ టికెట్ స్కాం, ప్రాపర్టీ టాక్స్ స్కాం
ఆనంద్ శర్మ – వాల్ మార్ట్ స్కాం
అశోక్ రావ్ చవాన్ – ఆదర్శ్ హౌసింగ్ సొసైటీ స్కాం
చరంజిత్ సింగ్ చన్నీ – స్పోర్ట్స్ కిట్, ప్రభుత్వ ఉద్యోగాలు, థీమ్ పార్క్ స్కాం
ప్రియాంక గాంధీ వాద్రా – నేషనల్ హెరాల్గ్ స్కాం,డీఎల్ఎఫ్ లాండ్ స్కాం,
అభిషేక్ మనుసింఘ్వీ – సీడీ రికార్డింగ్ స్కాం
జైరాం రమేష్ – కోల్ స్కాం
మహేంద్రజీత్ సింగ్ మాల్వియా –అసిస్టెంట్ ఇంజినీర్స్ ట్రాన్స్ ఫర్ స్కాం
కేసీ వేణుగోపాల్ – సోలార్ స్కాం
అధిర్ రంజన్ చౌదరి – శారదా స్కాం
అంబికా సోని – రైల్వే వాటర్ బాటిల్స్ స్కాం
అజయ్ మాకెన్ – రియల్ ఎస్టేట్ స్కాం
తామ్రద్వజ్ సాహు – ఆవు పేడ స్కాం
సల్మాన్ ఖుర్షీద్ – వీల్ చెయిర్ స్కాం
శశిథరూర్ – స్పాట్ ఫిక్సింగ్ స్కాం
