హైదరాబాద్: ఇటీవల అగ్రరాజ్యం అమెరికాలోని వైట్‌ హౌస్‌వైపు ఓ ట్రక్కు దూసుకెళ్లిన విషయం మరువకముందే.. బ్రిటన్ ప్రధాని రిషి సునాక్‌ అధికారిక నివాసమైన లండన్‌లోని 10 డౌనింగ్‌ స్ట్రీట్‌ గేటును ఓ వ్యక్తి కారుతో బలంగా ఢీ కొట్టడం కలకలం రేపుతోంది. కాగా, ఈ ఘటన జరిగిన సమయంలో ప్రధాని రిషి సునాక్‌ తన కార్యాలయంలోనే ఉన్నారు.
బ్రిటన్ పోలీసుల కథనం ప్రకారం.. ఈ ఘటన గురువారం సాయంత్రం 4 గంటల ప్రాంతంలో జరిగింది. కారులో ఉన్న వ్యక్తిని అదుపులోకి తీసుకున్నామని, ఈ ఘటనలో ఎవరికీ ఎలాంటి గాయాలూ కాలేదని పోలీసులు తెలిపారు. నిందితుడిపై కేసు నమోదు చేసి దర్యాప్తు చేపట్టినట్లు పేర్కొన్నారు.
