పామును చూడగానే చాలామంది భయపడుతుంటారు. అది ఆమడ దూరంలో ఉండగానే కాళ్లు, చేతులు ఆడవు. అటువంటిది భారీ కింగ్ కోబ్రా కళ్ల ముందు ఉంటే.. ఇక అంతే సంగతులు. అలాంటి ఓ 15 అడుగుల కింగ్ కోబ్రా ఫ్యాక్టరీ పరిసరాల్లో కనిపించింది. దాంతో కార్మికులంతా ఉరుకులు పరుగులు పెట్టారు.
తమిళనాడులోని కడయం మున్సిపాలిటీ పరిధిలోని గోవిందపేరి సమీపంలోని ఓ ప్రైవేట్ ఫ్యాక్టరీ పరిసరాల్లో 15 అడుగుల పొడవున్న కింగ్ కోబ్రా కనిపించింది. ఈ క్రమంలో ఫ్యాక్టరీలో ఉన్న వాళ్లంతా భయాందోళనకు గురయ్యారు. వారు వెంటనే అటవి శాఖ అధికారులకు సమాచారం అందించారు. దీంతో అధికారులు వచ్చి స్నేక్ క్యాచర్స్ బృందంతో కలిసి కింగ్ కోబ్రాను పట్టుకునేందుకు ప్రయత్నించగా.. బుసలు కొడుతూ మీదకు వస్తుంది. ఎట్టకేలకు దానిని ఓ సంచిలో బంధించి ఆ తర్వాత అడవిలో వదిలేశారు. ఈ ఘటనకు సంబంధించిన వీడియో సోషల్ మీడియాలో వైరల్ అవుతుంది.
#WATCH | Tamil Nadu: Forest department rescued a 15 feet long male Cobra from a private factory near Govindaperi under Kadayam municipality of Tenkasi district
(Video Source: Forest department) pic.twitter.com/vExAAV2pbA
— ANI (@ANI) November 16, 2023
ఇటీవలి కాలంలో భారీ సర్పాలు జనావాసాల్లోకి చొరబడుతున్న వీడియోలు సోషల్ మీడియాలో బాగా వైరల్ అవుతున్నాయి. వాటిని కొందరు భయం లేకుండా పట్టుకుని అటు పాములను, ఇటు జనాలను కూడా రక్షిస్తున్నారు.
Read Also: నేడే వరల్డ్ కప్ తుది సమరం.. గెలిస్తే రూ. 33 కోట్లు, ఓడినా కోట్లే