మహారాష్ట్ర అనుకోని ఘటన జరిగింది. అడవిలోంచి జనావాసాల్లోకి వచ్చిన ఓ చిరుతకు ఊహించని పరిణామం ఎదురైంది. దాహం తీర్చుకునేందుకు ఓ బిందెలో తలపెట్టి అందులోనే ఇరుక్కుపోయింది. ఈ ఘటన ధూలే జిల్లాలో నిన్న( ఆదివారం) జరిగింది.
#WATCH | Maharashtra: A male leopard spent five hours with its head stuck in a metal vessel in a village in Dhule district was later rescued by the Forest Department: RFO Savita Sonawane
(Video Source: Forest Department) pic.twitter.com/PojOWOCoRd
— ANI (@ANI) March 3, 2024
ఓ గ్రామంలోకి ప్రవేశించిన చిరుత దాహంగా ఉండటంతో ఇంటి ఆవరణలో ఉన్న ఓ బిందెలోని నీటిని తాగేందుకు తలపెట్టింది. ఆ తర్వాత తలను బయటకు తీయలేకపోయింది. సుమారు ఐదు గంటల పాటు అలాగే ఇరుక్కుపోయి నరకయాతన అనుభవించింది. గ్రామస్థులు వెంటనే అటవీ శాఖ అధికారులకు సమాచారాన్ని అందించారు. ఘటనాస్థలికి చేరుకున్న అధికారులు చాకచక్యంగా కట్టర్‌ సాయంతో బిందెను తొలగించారు. ఆ తర్వాత చిరుతను బోనులో బంధించి సమీపంలోని అటవీ ప్రాంతంలోకి విడిచిపెట్టారు.
ఇది కూడా చదవండి:ప్రజాశాంతి పార్టీలో చేరిన బాబు మోహన్
