కెనడాలోని టొరంటో విమానాశ్రయంలో ఓ విమానం టేకాఫ్ అవుతుండగా ఓ ప్రయాణికుడు కిందకు దూకేశాడు. ఎయిర్ కెనడా విమానంలో ఈ షాకింగ్ ఘటన చోటు చేసుకుంది.వివరాల్లోకి వెళితే.. ఈనెల 8వ తేదీన కెనడాలోని టొరంటో నుంచి దుబాయ్ వెళ్లేందుకు విమానం రన్వేపై సిద్ధంగా ఉంది. ఆ సమయంలో ఓ ప్రయాణికుడు క్యాబిన్ తలుపు తెరిచి కిందకు దూకేశాడు.
Also Read.. న్యూఇయర్ వేళ 65 లక్షల ఆన్లైన్ ఫుడ్ ఆర్డర్లు
దీంతో ప్రయాణికులు, సిబ్బంది ఒక్కసారిగా షాక్ అయ్యారు. తీవ్రంగా గాయపడ్డ ఆ ప్రయాణికుడిని వెంటనే ఆసుపత్రికి తరలించినట్లు ఎయిర్ కెనడా తెలిపింది. మరోవైపు ఈ ఘటనపై కేసు నమోదు చేసి దర్యాప్తు చేపట్టినట్లు పోలీసులు తెలిపారు. ఈ ఘటనతో ఆ విమానం సుమారు ఆరు గంటలు ఆలస్యంగా దుబాయ్కు బయలుదేరి వెళ్లింది.