న్యూఢిల్లీ: పురుషుల వన్డే క్రికెట్ ప్రపంచ కప్ అక్టోబర్ 5న ప్రారంభమవుతుంది. 2019 ప్రపంచ కప్ ఫైనల్ లో తలపడిన ఇంగ్లండ్- న్యూజిలాండ్‌ మ్యాచ్ తో టోర్నీ ప్రారంభం కానుంది. అహ్మదాబాద్‌లోని నరేంద్ర మోడీ స్టేడియంలో తొలి మ్యాచ్ జరుగుతుంది. టోర్నీలో భాగంగా అక్టోబర్ 14న భారత్-పాకిస్తాన్ మధ్య ఉత్కంఠభరితమైన మ్యాచ్ జరుగనుంది. రెండు సెమీఫైనల్ మ్యాచ్‌లు నవంబర్ 15న ముంబైలోని వాంఖడే స్టేడియంలో.. నవంబర్ 16న కోల్‌కతాలోని ఈడెన్ గార్డెన్స్‌లో జరుగుతాయి. భారతదేశం ఈ టోర్నమెంట్‌లోకి ఫేవరెట్‌లలో ఒకటిగా బరిలోకి దిగుతుంది. ప్రపంచ కప్ ప్రారంభం కావడానికి ముందు, గత ఎడిషన్లలో భారత్ తరపున అత్యుత్తమ ప్రదర్శన చేసిన వారి వివరాల గురించి చూస్తే..
Also Read.. పాకిస్థాన్ లో భయంకరమైన ఆర్గాన్-ట్రాఫికింగ్ రాకెట్‌ గుట్టురట్టు
ప్రపంచకప్‌లో భారత్ తరఫున టాప్ 10 రన్స్ చేసిన బ్యాటర్లు:
- సచిన్ టెండూల్కర్: ప్రపంచ కప్‌లో చరిత్రలో అత్యధిక పరుగుల చేసిన బ్యాటర్ గా నిలిచాడు. అతను 45 మ్యాచ్‌ల్లో 56.95 సగటుతో 2,278 పరుగులు చేశాడు. ఇందులో ఆరు సెంచరీలు , 15 అర్ధ సెంచరీలు ఉన్నాయి.
- విరాట్ కోహ్లీ : భారత ఆటగాళ్ల పరంగా కోహ్లీ జాబితాలో రెండో స్థానంలో ఉన్నాడు. 26 మ్యాచ్‌లు ఆడి 46.81 సగటుతో 1,030 పరుగులు చేశాడు.
- సౌరవ్ గంగూలీ: 21 మ్యాచ్‌ల్లో 55.88 సగటుతో 1,006 పరుగులతో మూడో స్థానంలో నిలిచాడు.
- రోహిత్ శర్మ: 17 మ్యాచ్‌ల్లో 65.20 సగటుతో 978 పరుగులు చేశాడు.
- రాహుల్ ద్రవిడ్: 22 మ్యాచ్‌లలో 61.42 సగటుతో 860 పరుగులు చేశాడు.
- వీరేంద్ర సెహ్వాగ్: 22 మ్యాచ్‌ల్లో 38.31 సగటుతో 843 పరుగులు చేశాడు. ఇందులో ప్రపంచ కప్‌లో అనేక మ్యాచ్ విన్నింగ్ ఇన్నింగ్స్ ఉన్నాయి.
- మహ్మద్ అజారుద్దీన్ :1992 ప్రపంచకప్‌లో తొలిసారిగా భారత్‌కు నాయకత్వం వహించాడు. 25 ఇన్నింగ్స్‌లలో 39.33 సగటుతో 826 పరుగులు చేశాడు.
- MS ధోనీ: భారత్ కు 2011 ప్రపంచ కప్ అందించిన భారత కెప్టెన్. వికెట్ కీపర్-బ్యాటర్ అయిన ధోనీ 25 ఇన్నింగ్స్‌లలో 43.33 సగటుతో 780 పరుగులు చేశాడు.
- యువరాజ్ సింగ్: 2011 ప్రపంచ కప్ గెలిచిన టీంలో సభ్యుడు. 21 ఇన్నింగ్స్‌లలో 52.71 సగటుతో 738 పరుగులు చేశాడు.
- కపిల్ దేవ్: భారత్ కు తొలిసారి 1983 ప్రపంచ కప్ అందించిన కెప్టెన్. 24 ఇన్నింగ్స్‌లలో 37.16 సగటుతో 669 పరుగులు చేశాడు.
Also Read.. వన్డే వ‌ర‌ల్డ్‌క‌ప్ కు కౌంట్‌డౌన్ స్టార్ట్
భారత్ తరఫున టాప్ 10 వికెట్లు తీసిన ఆటగాళ్లు:
- 2011 ప్రపంచకప్‌లో బంతితో ఆడిన జహీర్ ఖాన్ 23 మ్యాచ్‌లలో 20.22 సగటుతో 44 వికెట్లతో చార్టుల్లో అగ్రస్థానంలో ఉన్నాడు.
- భారతదేశపు ప్రముఖ ఫాస్ట్ బౌలర్లలో ఒకరైన జవగల్ శ్రీనాథ్ 33 ఇన్నింగ్స్‌లలో 27.81 సగటుతో 44 వికెట్లతో జాబితాలో రెండవ స్థానంలో ఉన్నాడు.
- ఈ ప్రపంచకప్‌లో భారత్‌కు కీలకమైన ఫాస్ట్ బౌలర్లలో ఒకరైన మహ్మద్ షమీ, 11 ఇన్నింగ్స్‌లలో 15.70 సగటుతో 31 వికెట్లతో జాబితాలో మూడో స్థానంలో ఉన్నాడు.
- 2007 ప్రపంచ కప్ వరకు భారత ప్రపంచ కప్ జట్టులో ముఖ్యమైన పాత్ర పోషించిన అనిల్ కుంబ్లే 18 ఇన్నింగ్స్‌లలో 22.83 సగటుతో 31 వికెట్లు తీశాడు.
- 1983 ప్రపంచకప్‌లో ముందుండి నడిపించిన కపిల్ దేవ్ 25 ఇన్నింగ్స్‌లలో 28 వికెట్లతో ఈ జాబితాలో ఐదో స్థానంలో ఉన్నాడు.
- మనోజ్ ప్రభాకర్ 1987 నుండి 1996 ప్రపంచ కప్ వరకు భారత జట్టులో భాగంగా ఉన్నాడు. 18 ఇన్నింగ్స్‌లలో 26.66 సగటుతో 24 వికెట్లు తీశాడు.
- భారత జట్టులోని మరో కీలక సభ్యుడైన మదన్ లాల్.. 11 ఇన్నింగ్స్‌లలో 19.36 సగటుతో 22 వికెట్లు తీశాడు.
- 2011 ప్రపంచకప్‌లో భారతదేశానికి స్టార్ ఆల్‌రౌండర్‌గా నిలిచిన యువరాజ్ సింగ్.. 14 ఇన్నింగ్స్‌లలో 23.10 సగటుతో 20 వికెట్లు తీశాడు.
- హర్భజన్ సింగ్ 2003 నుండి 2011 ప్రపంచ కప్ వరకు భారత జట్టులో సభ్యుడిగా ఉన్నాడు. 20 ఇన్నింగ్స్‌లలో 40.40 సగటుతో 20 వికెట్లు తీశాడు.
- రోజర్ బిన్నీ.. 80లలో భారతదేశపు కీలక ఆల్ రౌండర్లలో ఒకరు. 9 మ్యాచ్‌లలో 19 వికెట్లు తీశాడు.
