కాళేశ్వరం ప్రాజెక్టు నుంచి నీటిని విడుదల చేసిన మంత్రి హరీశ్ రావు

వర్షాభావ పరిస్థితుల నేపథ్యంలో రైతులను ఆదుకోవడానికి తెలంగాణ ప్రభుత్వ పూనుకుంది. వరి నాట్లు వేసుకోవడానికి వీలుగా కాళేశ్వరం ప్రాజెక్టు ద్వారా నీటిని విడుదలచేసింది. అందులో భాగంగా రంగనాయక సాగర్‎లోకి మంత్రి హరీష్ రావు నీటిని విడుదల చేశారు. దాంతో రంగనాయక సాగర్‎లోకి ఒక పంప్ ద్వారా గోదావరి జలాలు వచ్చి చేరుతున్నాయి. రంగనాయక సాగర్‎లోకి 2 టీఎంసీల నీటిని విడుదల చేయాలని ముఖ్యమంత్రి కేసీఆర్ ఆదేశించారు. రంగనాయక సాగర్ నుండి మల్లన్న సాగర్, కొండపోచమ్మ సాగర్ రిజర్వాయర్లకు నీటిని తరలించాలని సూచించారు. వర్షాభావ పరిస్థితుల్లో రైతులను ఆదుకోవడమే తమ ప్రథమ కర్తవ్యం అని మంత్రి హరీష్ రావు అన్నారు.