జమ్మూకశ్మీర్‌లోని పూంచ్ జిల్లాలో ఉగ్రవాదులు రెండు ఆర్మీ వాహనాలపై మెరుపుదాడి చేశారు. ఈ ఉగ్రదాడిలో ఇప్పటి వరకు ఐదుగురు జవాన్లు వీరమరణం పొందగా, ఇద్దరు గాయపడ్డారు. ఈ దాడికి జైషే మహ్మద్ ఫ్రంట్ పీఏఎఫ్ఎఫ్ బాధ్యత వహించిందని అధికారులు తెలిపారు. ఉగ్రవాదుల కోసం భద్రతా బలగాలు గాలిస్తున్నాయి. 12 కిలోమీటర్ల దట్టమైన అడవిలో ఉగ్రవాదులను కనుగొనడం సవాలుతో కూడుకున్నది. జమ్మూ కాశ్మీర్ పోలీసులు, ఆర్మీ సంయుక్త ఆపరేషన్ కొనసాగుతోంది.
సురన్‌కోట్ పోలీస్ స్టేషన్ పరిధిలోని ధేరా కి గాలి, బుఫ్లియాజ్ మధ్య ధాత్యార్ మలుపు వద్ద నిన్న మధ్యాహ్నం 3.45 గంటల ప్రాంతంలో కార్డన్ సెర్చ్ ఆపరేషన్ ఉన్న ప్రదేశానికి ఆర్మీ సిబ్బందిని తీసుకువెళుతున్న వాహనాలపై దాడి చేసినట్లు అధికారులు తెలిపారు. జమ్మూ కాశ్మీర్ మాజీ సీఎంలు గులాం నబీ ఆజాద్, మెహబూబా ముఫ్తీ దాడిని తీవ్రంగా ఖండించారు. పాకిస్థాన్‌కు చెందిన లష్కరే తోయిబా (ఎల్‌ఈటీ) విభాగమైన పీపుల్స్ యాంటీ ఫాసిస్ట్ ఫ్రంట్ (పీఏఎఫ్ఎఫ్) ఈ దాడికి బాధ్యత వహిస్తున్నట్లు ప్రకటించింది. జమ్మూలోని రక్షణ శాఖ పబ్లిక్ రిలేషన్స్ ఆఫీసర్, లెఫ్టినెంట్ కల్నల్ సునీల్ బర్త్వాల్ మాట్లాడుతూ, ఉగ్రవాదుల ఉనికి గురించి “బలమైన నిఘా” ఆధారంగా, పూంచ్ జిల్లాలోని ధేరా కి గాలీ ప్రాంతంలో బుధవారం రాత్రి సంయుక్త శోధన ఆపరేషన్ ప్రారంభించబడింది.
ఒక ట్రక్కు జిప్సీ రెండు వాహనాలపై ఉగ్రవాదులు కాల్పులు జరిపినప్పుడు సైనికులు సంఘటనా స్థలానికి వెళుతున్నట్లు అధికారులు తెలిపారు. దాడికి బలగాలు త్వరితగతిన స్పందించాయని రక్షణ శాఖ అధికార ప్రతినిధి తెలిపారు. ఈ ఆపరేషన్‌లో ఐదుగురు జవాన్లు అమరులయ్యారని, మరో ఇద్దరు గాయపడ్డారని అధికారులు తెలిపారు. క్షతగాత్రులను ఆసుపత్రిలో చేర్పించారు. ఆపరేషన్ జరుగుతోందని చెప్పారు. దాడికి గురైన సైనికుల ఆయుధాలను ఉగ్రవాదులు ఎత్తుకెళ్లే అవకాశం ఉందని అధికారులు తెలిపారు. రాజౌరీ, పూంచ్, రియాసి జిల్లాల్లో ఈ ఏడాది జరిగిన ఎన్‌కౌంటర్లలో ఇప్పటివరకు 19 మంది భద్రతా సిబ్బంది వీరమరణం పొందారు.28 మంది ఉగ్రవాదులు హతమయ్యారు. ఈ ఎన్‌కౌంటర్లలో మొత్తం 54 మంది చనిపోయారు.
ఇది కూడా చదవండి: జూనియర్ ఎన్టీఆర్ ఖాతాలో మరో రికార్డ్…టాలీవుడ్ నుంచి మొదటి హీరో..!!
