స్కిల్ డెవలప్మెంట్ స్కామ్లో అరెస్టై రాజమండ్రి సెంట్రల్ జైలులో ఉన్న ఏపీ మాజీ సీఎం చంద్రబాబు నాయుడి కేసు సుప్రీంకోర్టుకు చేరింది. ఆయన అరెస్టుపై హైకోర్టులో క్వాష్ పిటిషన్ వేయగా, హైకోర్టు ఆ పిటిషన్ను కొట్టి వేసింది. అంతేకాకుండా చంద్రబాబును రెండు రోజుల పాటు సీఐడీ కస్టడీకి అనుమతిస్తూ ఏసీబీ కోర్టు ఉత్తర్వులిచ్చింది. దాంతో హైకోర్టు తీర్పును సవాల్ చేస్తూ చంద్రబాబు తరఫు లాయర్లు సుప్రీంకోర్టును ఆశ్రయించారు. చంద్రబాబు తరఫున సుప్రీంకోర్టులో క్వాష్ పిటిషన్ వేశారు. సోమవారం ఈ పిటిషన్ విచారణకు వచ్చే అవకాశముంది. 17 (ఏ) చంద్రబాబుకు వర్తిస్తుందని క్వాష్ పిటిషన్లో న్యాయవాదులు పేర్కొన్నారు.
Read Also: బీఆర్ఎస్ ఎమ్మెల్యే అభ్యర్థిపై బీజేపీ నాయకుల దాడి
కాగా.. ఏపీ హైకోర్టులో చంద్రబాబుకు మరోసారి చుక్కెదురు అయింది. ఆయనను సీఐడీ కస్టడీకి ఇస్తూ ఏసీబీ కోర్టు ఇచ్చిన తీర్పును సవాల్ చేస్తూ హైకోర్టులో లంచ్ మోషన్ దాఖలు చేశారు. ఈ పిటిషన్ను
విచారించేందుకు న్యాయమూర్తి తిరస్కరించారు.
మరోవైపు స్కిల్ డెవలప్ మెంట్ కేసులో చంద్రబాబును సీఐడీ అధికారులు విచారిస్తున్నారు. ఈ ఉదయం ఆయనను కస్టడీలోకి తీసుకున్న సీఐడీ అధికారులు రాజమండ్రి సెంట్రల్ జైల్లోనే విచారిస్తున్నారు. ఉదయం 9.30 గంటల నుంచి సాయంత్రం 5 గంటల వరకు విచారణ కొనసాగుతుంది. మధ్యాహ్నం ఒంటి గంటకు లంచ్ బ్రేక్ ఇచ్చారు. అనంతరం 2 గంటలకు తిరిగి విచారణ ప్రారంభం అవుతుంది.
Read Also: వినాయకుడి చందా విషయంలో గొడవ.. ఒకరిపై ఒకరు కత్తులతో దాడి
