మహారాష్ట్రలోని ఎరండోలిలో ఇండియన్ ఆర్మీ హెలికాప్టర్ అత్యవసర ల్యాండింగ్ అయ్యింది. సాంగ్లీ జిల్లాలోని ఎరండోలి గ్రామంలోని పొలంలో సాంకేతిక లోపంతో ఇండియన్ ఆర్మీ హెలికాప్టర్ అత్యవసరంగా ల్యాండ్ అయినట్లు అధికారులు తెలిపారు. ఆర్మీ హెలికాప్టర్ అకస్మాత్తుగా పొలంలో ల్యాండ్ అవ్వడంతో అక్కడున్న స్థానికులు హెలికాప్టర్ ను చూసేందుకు తరలివచ్చారు. ఈ హెలికాఫ్టర్ లో ఉన్న నలుగురు సురక్షితంగా బయటపడ్డారు. ఈ సంఘటన ఉదయం 11:30 గంటలకు జరిగింది.దీనికి సంబంధించి పూర్తి వివరాలు తెలియాల్సి ఉంది.
డిసెంబర్ 2023లో, భారత విమానాన్ని పాకిస్థాన్‌లో అత్యవసరంగా ల్యాండింగ్ చేయాల్సి వచ్చింది. ఎమర్జెన్సీ కారణంగా అహ్మదాబాద్ నుంచి దుబాయ్ వెళ్లాల్సిన తమ విమానం పాకిస్థాన్‌లో ల్యాండ్ అయిందని ఎయిర్‌లైన్స్ తెలిపింది. స్పైస్‌జెట్ తమ బోయింగ్ 737 విమానం SG-15 (అహ్మదాబాద్-దుబాయ్) మార్గంలో మెడికల్ ఎమర్జెన్సీ కారణంగా కరాచీకి మళ్లించింది. పాకిస్థాన్‌లోని కరాచీలో విమానం సురక్షితంగా ల్యాండ్ అయ్యిందని ఎయిర్‌లైన్స్ తెలిపింది.నవంబర్ 24న, ఇండిగో ఎయిర్‌లైన్స్ సౌదీ అరేబియాలోని జెడ్డా నుండి హైదరాబాద్‌కు వెళ్లే ఇండిగో ఫ్లైట్ 6E 68లో మెడికల్ ఎమర్జెన్సీ సంభవించిందని కూడా తెలియజేసింది. ఈ కారణంగా పాకిస్థాన్‌లోని కరాచీలో విమానాన్ని ల్యాండ్ చేయాల్సి వచ్చింది. ఇండిగో విమానం జెడ్డా నుంచి హైదరాబాద్‌కు వస్తుండగా ఓ ప్రయాణికుడి ఆరోగ్యం క్షీణించింది.విమానంలో ఆరోగ్యం క్షీణించిన ప్రయాణికుడిని పాకిస్తాన్‌లోని కరాచీలో ల్యాండ్ చేసిన తర్వాత వైద్యులు చికిత్స చేశారు. అయితే, దురదృష్టవశాత్తు ప్రయాణీకుడు ప్రాణాలతో బయటపడలేదు. విమానం చేరుకునేలోపే మరణించినట్లు ప్రకటించారు.
ఇది కూడాచదవండి: అవకాశవాద రాజకీయాలు చేస్తున్న నేతలకు కరీంనగర్ ప్రజలు బుద్ధిచెప్పాలి
