మనలో చాలా మంది పక్కటెముకల కింద ఉదరం ఎగువ ఎడమ వైపు నొప్పిగా ఉందని చెబుతుంటారు. చాలా మంది దీన్ని సాధారణ సమస్యగా భావిస్తారు. కానీ పక్కటెముకల్లో నొప్పి వెనక తీవ్రమైన కారణాలు కూడా ఉంటాయని చెబుతున్నారు ఆరోగ్య నిపుణులు.నేషనల్ ఇన్స్టిట్యూట్ ఆఫ్ హెల్త్ ప్రకారం..పక్కటెముకల్లో చాలా కాలంగా నిరంతరంగా నొప్పి వచ్చినట్లయితే వెంటనే వైద్యుడిని సంప్రదించాలి. ఎందుకంటే పక్కటెముకల కింద నొప్పి ఎలాంటి వ్యాధులకు సంకేతమో తెలుసుకుందాం.
వెన్నుముక సమస్య:
కొన్నిసార్లు వెన్ను లేదా నడుము సమస్యలు కూడా పక్కటెముకల కింద నొప్పిని కలిగిస్తాయి. వీటిలో వెన్నుముక గాయం, వెన్నుముక బోలు ఎముకల వ్యాధి లేదా డిస్క్ సంబంధిత సమస్యలు ఉన్నాయి.కానీ దీనిని చాలా మంది సర్వసాధారణంగా భావిస్తారు. ఈ నొప్పి వెన్నెముక సమస్య ప్రారంభ లక్షణం కావచ్చు.
గుండెపోటు:
గుండెపోటు ప్రధాన లక్షణాలలో ఒకటి పక్కటెముకల క్రింద నొప్పి. గుండెపోటు ప్రారంభ లక్షణం అయిన ఒత్తిడి, ఛాతీ నొప్పి మీ పక్కటెముకలు, వీపు, మెడకు వ్యాపిస్తుంది. గుండెపోటు ప్రారంభ లక్షణాలలో, ఈ నొప్పి తరచుగా ఛాతీ నొప్పితో సంబంధం కలిగి ఉంటుంది.
గ్యాస్ట్రిక్:
గ్యాస్ జీర్ణాశయం ద్వారా కదలలేనప్పుడు గ్యాస్ ఏర్పడుతుంది. జీర్ణక్రియలో ఆటంకాలు దీనికి కారణం కావచ్చు. పక్కటెముకల కింద నొప్పితో పాటు పొత్తికడుపు ఉబ్బరం దీని లక్షణాలు. కార్బోనేటేడ్ డ్రింక్స్ ఎక్కువగా తీసుకునే వారిలో ఈ సమస్య వస్తుంది.
గుండెల్లో మంట:
గుండెల్లో మంట విషయంలో, ఛాతీలో తేలికపాటి నుండి తీవ్రమైన నొప్పి ఉంటుంది. ఈ నొప్పి మీ పక్కటెముకల వరకు చేరుతుంది. సాధారణంగా తిన్న తర్వాత గుండెల్లో మంట వస్తుంది. ఇది ఛాతీలో మంట, అసౌకర్యాన్ని కలిగిస్తుంది. దీనిని నివారించడానికి, స్పైసి లేదా ఆమ్ల ఆహారాన్ని నివారించాలి.
పెరికార్డిటిస్:
పెరికార్డిటిస్ మీ గుండె చుట్టూ ఉన్న పొర వాపు వల్ల వస్తుంది. ఇది నాలుగు రకాలు. ప్రతి రకమైన పెరికార్డిటిస్‌కు లక్షణాలు కొద్దిగా భిన్నంగా ఉండవచ్చు, ఉదాహరణకు: ఛాతీ మధ్యలో లేదా ఎడమ వైపున తీవ్రమైన నొప్పి, అనారోగ్యంగా అనిపించడం, అలసిపోయినట్లు లేదా బలహీనంగా ఉండటం, దగ్గు, ఉదరం లేదా కాళ్ళలో అసాధారణ వాపు .
ఇది కూడా చదవండి: లిక్కర్ స్కాంలో నేడు మనీష్ సిసోడియాకు రిలీఫ్ దక్కేనా?
