స్విమింగ్ పూల్ లో నీటమునిగి యువకుడు మృతి

సికింద్రాబాద్ లో విషాదకర ఘటన చోటుచేసుకుంది. తెలంగాణ క్లబ్ లో ఉన్న స్విమింగ్ పూల్ లో నీటమునిగి సంపత్ అనే యువకుడు మృతి చెందాడు. మద్యం మత్తులో ఉన్న వారిని స్విమింగ్ కు యాజమాన్యం అనుమతించడంతోనే ఈ దుర్ఘటన జరిగినట్టు తెలుస్తోంది. సంపత్ డైవ్ చేసిన వెంటనే నీటమునిగి చనిపోయాడని నిర్వాహకులు చెప్పారని పోలీసులు తెలిపారు. ఘటనపై కేసు నమోదు చేశామని, విచారణ కొనసాగుతుందని వెల్లడించారు.