సైమా అవార్డ్స్లోనూ ‘ఆర్ఆర్ఆర్’ అవార్డుల మోత మోగించింది. అటు ఆస్కార్ అవార్డుతో పాటు పలు జాతీయస్థాయి అవార్డులను కూడా అందుకుంది. తాజాగా సైమా అవార్డ్స్లోనూ సత్తా చాటింది. 2023 సైమా అవార్డులలో ఆరు అవార్డులను సొంతం చేసుకుంది. సౌత్ ఇండియన్ ఇంటర్నేషనల్ మూవీ అవార్డ్స్ (సైమా) – 2023 వేడుక దుబాయి వేదికగా శుక్రవారం రాత్రి అట్టహాసంగా మొదలైంది. సెప్టెంబరు 15, 16 తేదీల్లో నిర్వహిస్తున్న ఈ వేడుక తొలి రోజు తెలుగు, కన్నడ చిత్ర పరిశ్రమలకు సంబంధించిన నటీనటులు హాజరయ్యారు. రెండు చిత్ర పరిశ్రమలకు చెందిన నటీనటులు తమ ప్రదర్శనలతో ఆహూతులను అలరించారు. సైమా అవార్డ్స్-2023లో ఉత్తమ నటుడిగా జూ. ఎన్టీఆర్ అవార్డు అందుకున్నారు. ‘RRR’లో ఆయన నటనకుగానూ ఈ అవార్డు వచ్చింది. అలాగే ‘ధమాకా’ హీరోయిన్ శ్రీలీల ఉత్తమ నటిగా అవార్డును సొంతం చేసుకుంది. ఉత్తమ పరిచయ నటిగా మృణాల్ ఠాకూర్ (సీతారామం) అవార్డు గెలుచుకుంది. ఉత్తమ దర్శకుడిగా రాజమౌళి, ఉత్తమ చిత్రంగా సీతారామం ఎంపికయ్యాయి.
Read Also: హైదరాబాద్లో కాంగ్రెస్ జాతీయ నేతల స్కాంలతో పోస్టర్లు.. సోనియా, రాహుల్ సహా కీలక నేతలు
‘సైమా’ 2023 అవార్డుల విజేతలు
ఉత్తమ నటుడు: ఎన్టీఆర్ (ఆర్ఆర్ఆర్)
ఉత్తమ నటి: శ్రీలీల (ధమాకా)
ఉత్తమ దర్శకుడు: ఎస్.ఎస్.రాజమౌళి (ఆర్ఆర్ఆర్)
ఉత్తమ చిత్రం: సీతారామం (వైజయంతి మూవీస్)
ఉత్తమ సహాయ నటుడు: రానా (భీమ్లా నాయక్)
ఉత్తమ సహాయ నటి: సంగీత (మసూద)
ఉత్తమ విలన్: సుహాస్ (హిట్2)
ఉత్తమ హాస్య నటుడు: శ్రీనివాస్రెడ్డి (కార్తికేయ2)
ఉత్తమ పరిచయ నిర్మాత (తెలుగు): శరత్, అనురాగ్ (మేజర్)
ఉత్తమ పరిచయ నటి: మృణాల్ ఠాకూర్ (సీతారామం)
ఉత్తమ సంగీత దర్శకుడు: ఎం.ఎం.కీరవాణి (ఆర్ఆర్ఆర్)
ఉత్తమ సినిమాటోగ్రఫీ: కె.కె.సెంథిల్ కుమార్ (ఆర్ఆర్ఆర్)
ఉత్తమ గీత రచయిత: చంద్రబోస్ (నాటు నాటు-ఆర్ఆర్ఆర్)
ఉత్తమ నేపథ్య గాయకుడు: రామ్ మిర్యాల (డీజే టిల్లు)
ఉత్తమ పరిచయ దర్శకుడు: మల్లిడి వశిష్ట (బింబిసార)
సెన్సేషన్ఆఫ్ ది ఇయర్ : నిఖిల్, కార్తికేయ2
ఉత్తమ నటుడు (క్రిటిక్స్): అడవి శేష్ (మేజర్)
ఉత్తమ నటి (క్రిటిక్స్): మృణాల్ ఠాకూర్ (సీతారామం)
ఫ్లిప్కార్ట్ ఫ్యాషన్ యూత్ ఐకాన్: శ్రుతి హాసన్
ప్రామిసింగ్ న్యూకమర్ (తెలుగు): బెల్లంకొండ గణేష్