ఈ మధ్యకాలంలో సెలబ్రిటీల డీప్ఫేక్ వీడియోలు తీవ్ర కలకలం రేపుతున్నాయి. ఈ మార్ఫింగ్ వీడియోలపై ప్రముఖుల నుంచి ఆందోళన వ్యక్తమవుతోంది. తాజాగా క్రికెట్ దిగ్గజం సచిన్ తెండూల్కర్కు సంబంధించిన డీప్ఫేక్ వీడియో నెట్టింట వైరల్ అవుతోంది. ఓ గేమింగ్ యాప్కు ఆయన ప్రచారం చేస్తున్నట్లు అందులో ఉంది. దీన్ని మాస్టర్ బ్లాస్టర్ సచిన్ తీవ్రంగా ఖండించారు. ఆ వీడియోలో ఉన్నది తాను కాదంటూ సోషల్ మీడియా ద్వారా స్పష్టం చేశారు. వెంటనే ఈ వీడియోపై చర్యలు తీసుకోవాలని ప్రభుత్వానికి ఆయన విజ్ఞప్తి చేశారు.
Read Also: గర్ల్ఫ్రెండ్ కోసం అమ్మాయిలా రెడీ అయి ఆమె పరీక్ష రాసేందుకు వెళ్లిన లవర్ బాయ్
‘స్కైవార్డ్ ఏవియేటర్ క్వెస్ట్’ పేరుతో ఉన్న గేమింగ్ యాప్కు సచిన్ ప్రచారం చేస్తున్నట్లుగా అందులో ఉంది. ఈ యాప్తో డబ్బులు ఎలా సంపాదించవచ్చో ఆయన చెబుతున్నట్లుగా వీడియోను మార్ఫింగ్ చేశారు. సోషల్ మీడియాలో వైరల్గా మారిన ఈ వీడియో సచిన్ దృష్టికి రావడంతో ఆయన దీనిపై స్పందించారు.
These videos are fake. It is disturbing to see rampant misuse of technology. Request everyone to report videos, ads & apps like these in large numbers.
Social Media platforms need to be alert and responsive to complaints. Swift action from their end is crucial to stopping the… pic.twitter.com/4MwXthxSOM
— Sachin Tendulkar (@sachin_rt) January 15, 2024
‘ఈ వీడియోలు నకిలీవి. టెక్నాలజీని ఇలా విచ్చలవిడిగా దుర్వినియోగం చేయడం ఆందోళన కలిగిస్తోంది. ఇలాంటి వీడియోలు, ప్రకటనలు, యాప్లు ఎక్కడ కన్పించినా వెంటనే సంబంధిత అధికారులకు రిపోర్ట్ చేయండి. సోషల్ మీడియా ప్రతినిధులు అప్రమత్తంగా ఉంటూ.. ఈ ఫిర్యాదులపై వెంటనే స్పందించాలి. నకిలీ సమాచారం, డీప్ఫేక్ వీడియోల వ్యాప్తిని అరికట్టేందుకు త్వరితగతిన చర్యలు తీసుకోవడం అత్యవసరం’ అని సచిన్ తన ట్విట్టర్ ఖాతాలో రాసుకొచ్చారు. ఈ పోస్ట్ను కేంద్ర ఐటీశాఖ మంత్రికి, మహారాష్ట్ర సైబర్ విభాగానికి ట్యాగ్ చేశారు.