బీహార్ లోని అరారియాలో డీఎస్పీ అధికారి ఇంటికి సమీపంలో ఉన్న ఓ బ్యాంకులో చోరీ జరిగింది. ఈ ఘటన స్థానికంగా కలకలం రేపింది. నగరంలోరి ఏడీపీ చౌక్ దగ్గర ఉన్న యాక్సిస్ బ్యాంకులోకి చొరబడిన దుండగులు ఈ చోరీకి పాల్పడ్డారు. రూ. 90లక్షల నగదుతో ఉడాయించారు. చోరీకి వచ్చిన సమయంలో దుండగులు రెండు రౌండ్ల కాల్పులు జరిపినట్లు అధికారులు చెబుతున్నారు.
ఇది కూడా చదవండి: రామభక్తులకు శుభవార్త. సికింద్రాబాద్ నుంచి అయోధ్యుకు 17 స్పెషల్ ట్రైన్స్..!!
ఈ ఘటనపై సమాచారం అందుకున్న పోలీసులు రంగంలోకి దిగారు. బ్యాంకుకు సీల్ వేశారు. లోపలికి వెళ్లే మార్గాలన్నీ మూసివేశారు. ఉదయం 11 గంటలకు ఈ ఘటన జరిగిందని బ్యాంకు ఉద్యోగులు పోలీసులకు తెలిపారు. రూ. 90లక్సల నగదు చోరీకి గురైందన్న విషయాన్ని మాత్రం ఎస్పీ అకోక్ కుమార్ సింగ్ నిర్ధారించలేదని అధికారులు చెబుతున్నారు. బ్యాంకు మేనేజర్ తో మాట్లాడి వివరాలు సేకరిస్తున్నట్లు, సీసీటీవీ ఫుటేజీని పరిశీలిస్తున్నామని తెలిపారు.
