మార్చి 22 నుంచి ఐపీఎల్ సమరం షురూ కాబోతోంది. ఈ టోర్నీ మొదటి మ్యాచ్లో చెన్నై సూపర్ కింగ్స్, రాయల్ ఛాలెంజర్స్ బెంగుళూరు బరిలోకి దిగనున్నాయి. ఈ నేపథ్యంలో ఐపీఎల్ హిస్టరీలో అత్యధిక బంతులు ఆడిన టాప్ ఆటగాళ్ల జాబితాను చూద్దాం.
ఐపీఎల్ షురూ అయిన 2008 నుంచి ఇప్పటి వరకు విరాట్ కోహ్లీ అత్యధిక బంతులు ఎదుర్కొన్నాడు. ఇప్పటివరకు 5586 బంతులు ఆడాడు. తొలి సీజన్ నుంచి ఒకే జట్టు అంటే ఆర్సీబీ ఆడుతున్న ఏకైక ఆటగాడు కోహ్లీ మాత్రమే.ఈ విషయంలో శిఖర్ ధావన్ రెండో స్థానంలో నిలిచాడు. ఐపీఎల్‌లో ఇప్పటి వరకు 5203 బంతులు ఆడాడు. శిఖర్ ఇప్పటివరకు డెక్కన్ ఛార్జర్స్, ఢిల్లీ క్యాపిటల్స్, ఢిల్లీ డేర్ డెవిల్స్, ముంబై ఇండియన్స్, సన్‌రైజర్స్ హైదరాబాద్ తరఫున ఆడాడు. ఈసారి పంజాబ్ కింగ్స్‌కు కెప్టెన్‌గా వ్యవహరిస్తున్నాడు.
ఈ జాబితాలో రోహిత్ శర్మ మూడో స్థానంలో నిలిచాడు. ఐపీఎల్‌లో రోహిత్ ఇప్పటివరకు 4776 బంతులు ఆడాడు. డెక్కన్ ఛార్జర్స్‌తో ఐపీఎల్‌లోకి అరంగేట్రం చేశాడు. ఆ తర్వాత ముంబై ఇండియన్స్‌కు వచ్చాడు. అతని కెప్టెన్సీలో, MI 5 EPL టైటిళ్లను గెలుచుకుంది. ఈసారి అతను హార్దిక్ పాండ్యా కెప్టెన్సీలో ఆడనున్నాడు.టాప్ 5లో చోటు దక్కించుకున్న ఏకైక విదేశీ ఆటగాడు డేవిడ్ వార్నర్. వార్నర్ ఇప్పటి వరకు ఐపీఎల్‌లో 4572 బంతులు ఆడాడు. అతను ఢిల్లీ డేర్‌డెవిల్స్ , సన్‌రైజర్స్ హైదరాబాద్ తరపున ఆడాడు. అతని కెప్టెన్సీలోనే SRH 2016లో ఇండియన్ ప్రీమియర్ లీగ్ టైటిల్‌ను గెలుచుకుంది. 2023లో ఢిల్లీ క్యాపిటల్స్‌కు కెప్టెన్‌గా ఉన్నాడు. ఈసారి కూడా అదే జట్టు తరఫున ఆడనున్నాడు.
ఇక సురేష్ రైనా ఈ జాబితాలో 5వ స్థానంలో ఉన్నాడు. సురేష్ రైనా తన ఐపీఎల్ కెరీర్‌లో 4043 బంతులు ఆడాడు. అతను చెన్నై సూపర్ కింగ్స్, గుజరాత్ లయన్స్ తరపున ఆడాడు. ఇప్పుడు దాని నుంచి రిటైరయ్యాడు.
ఇది కూడా చదవండి: శ్రీవారి భక్తులకు అలెర్ట్‌..రేపటి నుంచి ఆర్జీత సేవల టికెట్లు విడుదల.!
