నిరుద్యోగులకు అలర్ట్.. టీచర్ పోస్టుల నోటిఫికేషన్ విడుదల

నిరుద్యోగులకు తెలంగాణ విద్యాశాఖ శుభవార్త చెప్పింది. టీచర్ పోస్టులకు సబంధించిన నోటిఫికేషన్ విడుదల చేసింది. ఈ నోటిఫికేషన్ ద్వారా 5089 పోస్టులను భర్తీ చేయనున్నారు. ఈ పోస్టుల భర్తీ కోసం దరఖాస్తులను ఈ నెల 20 నుంచి వచ్చే నెల అక్టోబర్ 21 వరకు స్వీకరించనున్నారు. దరఖాస్తులను కేవలం ఆన్‎లైన్ ద్వారా మాత్రమే సమర్పించాల్సి ఉంటుంది. పరీక్ష కూడా ఆన్‎లైన్ విధానంలోనే ఉంటుంది. దరఖాస్తుల స్వీకరణ ముగిసిన ఒక నెల తర్వాత పరీక్షలను నిర్వహిస్తారు. నవంబర్ 20 నుంచి 30 వరకు పరీక్షలు జరగనున్నాయి. ఈ నోటిఫికేషన్‎తో 2,575 ఎస్‌జీటీ, 1,739 స్కూల్‌ అసిస్టెంట్‌, 608 లాంగ్వేజ్ పండిట్స్, 164 పీఈటీ పోస్టులను భర్తీ చేయనున్నారు.