గృహోపకరణాలలో గ్లోబల్ లీడర్, 14 సంవత్సరాలుగా మేజర్ అప్లయెన్సెస్‌లో ప్రపంచంలోనే నంబర్ 1 బ్రాండ్గా హైయర్ అప్లయెన్సెస్ ఇండియా (హైయర్ ఇండియా) ఉంది. ఈ సంస్థ తెలుగు రియాలిటీ షో బిగ్ బాస్ తెలుగు సీజన్ 7 కోసం అసోసియేట్ స్పాన్సర్‌గా వ్యవహరిస్తున్నట్లు మంగళవారం వెల్లడించింది. విభిన్నమైన, ఆసక్తికరమైన పోటీదారుల కలయికతో, భావోద్వేగాలు మరియు వినోదంతో నిండిన రోలర్‌కోస్టర్ రైడ్‌గా నిలిచే బిగ్ బాస్ తెలుగు ఇప్పుడు ఓటీటీ ప్లాట్‌ఫాం డిస్నీ ప్లస్ హాట్‌స్టార్‌, స్టార్ మాలో ప్రసారం చేయబడుతుంది.
ఈ భాగస్వామ్యం గురించి హైయర్ అప్లయన్సెస్ ఇండియా ప్రెసిడెంట్ సతీష్ ఎన్ ఎస్ మాట్లాడుతూ.. ‘తెలుగు రాష్ట్రాలలో అత్యధికంగా వీక్షించబడే టెలివిజన్ షోలలో ఒకటైన ‘బిగ్ బాస్-7 తెలుగు’తో మళ్లీ అనుబంధం కలిగి ఉన్నందుకు మేం సంతోషిస్తున్నాం. వినూత్నమైన, విశ్వసనీయమైన మరియు సాంకేతికతతో నడిచే గృహోపకరణాలను అందించడం ద్వారా భారతీయ వినియోగదారుల రోజువారీ జీవితంలో భాగం కావడానికి హైయర్ ఎల్లప్పుడూ కృషి చేస్తోంది. వినియోగదారులతో కనెక్ట్ అవ్వడానికి మాకు గొప్ప అవకాశాన్ని బిగ్ బాస్ తెలుగు సీజన్ 7 అందిస్తుంది. భారతదేశం యొక్క అత్యంత ప్రియమైన టెలివిజన్ షోలలో ఒకదాని ద్వారా మా ప్రేక్షకులకు చేరుకోవటానికి ఈ సినర్జిస్టిక్ సహకారం గురించి మేము నిజంగా గర్విస్తున్నాం’ అని ఆయన అన్నారు.
బిగ్ బాస్ తెలుగు 7 సీజన్ రెండోవారం జరిగిన నామినేషన్స్ హోరాహోరీగా సాగాయి. ఎప్పుడూ చూడని విధంగా హీట్ పెంచాయి. మొత్తంగా బిగ్ బాస్ 7 తెలుగు రెండో వారం నామినేషన్స్ లో 9 మంది ఉన్నారు. బిగ్ బాస్ 7 తెలుగు రెండో వారం నామినేషన్లలో మొత్తంగా 9 మంది ఉన్నారు. వారిలో పల్లవి ప్రశాంత్, హీరో శివాజీ, శోభా శెట్టి, రతిక రోజ్, గౌతమ్ కృష్ణ, షకీల, టేస్టీ తేజ, అమర్ దీప్ చౌదరితోపాటు ప్రిన్స్ యావర్లు ఉన్నారు.
