శ్రీశైలం ఆలయంలో బోనులో చిక్కిన ఎలుగుబంటి

ప్రముఖ పుణ్యక్షేత్రం శ్రీశైలంలో గత నాలుగు రోజులుగా ఎలుగుబంటి హల్చల్ చేస్తుంది. ఆలయ సమీపంలో సంచరిస్తుండటంతో భక్తులు భయాందోళనకు గురవుతున్నారు. శిఖరేశ్వరం నిత్యం భక్తులు సంచరించే ప్రదేశం కావడంతో అప్రమత్తం అయిన అటవీశాఖ అధికారులు శిఖరేశ్వరంలో బోను ఏర్పాటుచేశారు. ఆ బోనులో గురువారం రాత్రి అర్ధరాత్రి ఒంటి గంట సమయంలో ఎలుగుబంటి చిక్కింది. రెస్క్యూ టీమ్ మరియు అటవీ శాఖ సిబ్బంది ఎలుగుబంటిని బంధించారు. అనంతరం వెలుగోడులోని సూదుం అటవీ ప్రాంతానికి తరలించారు.