మణికొండలో పార్కింగ్ చేసిన కారులో మృతదేహం

రంగారెడ్డి జిల్లా మణికొండలో ఓ కారులో మృతదేహం లభించింది. రోడ్డు పక్కన పార్క్ చేసిన మారుతి వ్యాన్‎లో మృతదేహాన్ని స్థానికులు గుర్తించారు. వెంటనే 100కు ఫోన్ చేసి పోలీసులకు సమాచారం ఇచ్చారు. హుటాహుటిన ఘటన స్థలానికి చేరుకున్న పోలీసులు.. కారును పరిశీలించారు. కారు డ్రైవర్ సీటు వెనుకలో మృతదేహాన్ని గుర్తించారు. ఇది హత్యా లేక ఆత్మహత్యా అనే కోణంలో దర్యాప్తు చేస్తున్నారు. ఈ వ్యక్తి ఎవరు? ఎక్కడి నుండి వచ్చాడు? అనే సమాచారాన్ని స్వేకరిస్తున్నారు. కారు నెంబరు ఆధారంగా దర్యాప్తు ముమ్మరం చేశారు. అదేవిధంగా స్థానికంగా ఉన్న సీసీటీవీ ఫుటేజ్‎ను పరిశీలిస్తున్నారు.

Read Also: లోన్ యాప్ వేధింపులకు డిగ్రీ విద్యార్థి సూసైడ్