బీహార్ రాజధాని పాట్నాలో జేడీయూ నేత సౌరభ్ కుమార్‌పై కాల్పులు కలకలం రేపాయి. గుర్తు తెలియని దుండగులు జరిపిన కాల్పుల్లో జేడీయూ నేత సౌరభ్ కుమార్ అక్కడిక్కడే ప్రాణాలు కోల్పోయాడు. ఈ ఘటనలో మరో యువకుడు తీవ్రంగా గాయపడ్డాడు. పున్‌పున్ పోలీస్ స్టేషన్ పరిధిలోని బధియాకోల్‌లో బుధవారం మధ్యాహ్నం 12:15 గంటలకు ఈ ఘటన జరిగినట్లు పోలీసులు తెలిపారు.
ఈ ఘటనతో స్థానికంగా తీవ్ర కలకలం చెలరేగింది. స్ధానికులు రోడ్డుపై బైఠాయించి రచ్చ సృష్టించారు. విషయం తీవ్రరూపం దాల్చడంతో పాట్నా సిటీ ఎస్పీ ఈస్ట్ భరత్ సోనీ కూడా సంఘటనా స్థలానికి చేరుకున్నారు.ఆందోళనకారులను చెదరగొట్టే ప్రయత్నం చేశారు. మరోవైపు పాట్లీపుత్ర లోక్‌సభ నియోజకవర్గం ఆర్జేడీ అభ్యర్థి మిసా భారతి కూడా సంఘటనా స్థలానికి చేరుకుని ఆందోళనకారులకు పరిస్థితిని వివరించారు. సంఘటన తర్వాత, పాట్నాలోని పున్‌పున్ NH 83 చాలా గంటలపాటు జామ్‌గా ఉంది. దీంతో ట్రాఫిక్‌కు అంతరాయం ఏర్పడింది.
సమాచారం అందుకున్న వెంటనే చర్యలు తీసుకుని క్షతగాత్రులను ఆస్పత్రికి తరలించినట్లు నగర ఎస్పీ ఈస్ట్ భరత్ సోనీ తెలిపారు. సౌరభ్ కుమార్ చనిపోయినట్లు వైద్యులు నిర్ధారించారు. అతని స్నేహితుడు మున్మున్ కుమార్ గాయపడ్డారు. ఎఫ్ఐఆర్ నమోదు చేయడం ద్వారా తదుపరి చర్యలు తీసుకుంటున్నట్లు తెలిపారు.
అజిత్ కుమార్ సోదరుడి వివాహ రిసెప్షన్ పార్టీ అని పాట్నా మసౌధి SDPO కన్హయ్య సింగ్ తెలిపారు. ఇందులో పాట్నాలోని శివ్ నగర్ పర్సా బజార్ నివాసి సౌరభ్ కుమార్ తన స్నేహితుడు మున్మున్‌తో కలిసి రిసెప్షన్ పార్టీకి వచ్చాడు. రాత్రి ఇంటికి తిరిగి వస్తుండగా గుర్తు తెలియని వ్యక్తులు కాల్చిచంపినట్లు పోలీసులు తెలిపారు. నిందితులను పట్టుకునేందుకు ఎలాంటి క్లూ దొరకలేదని చెప్పారు.
ఇది కూడా చదవండి: వరంగల్లో ఘోరరోడ్డు ప్రమాదం..బస్సు ఢీకొని నలుగురు ఇంటర్ విద్యార్థులు దుర్మరణం.!
