రంగారెడ్డి జిల్లా, రాజేంద్రనగర్ బండ్లగూడ జాగీర్ మున్సిపల్ కార్పొరేషన్కి చెందిన 16 మంది కార్పొరేటర్లు మనసు మార్చుకొని తిరిగి రాకపోతే వారిపై క్రమశిక్షణ చర్యలు తీసుకుంటామని ఎమ్మెల్యే ప్రకాష్ గౌడ్ హెచ్చరించారు. బండ్లగూడ జాగిర్ మున్సిపల్ కార్పొరేషన్కి చెందిన మేయర్ బుర్ర మహేందర్ గౌడ్ పై 16 మంది కార్పొరేటర్లు ఈనెల 12వ తేదీన అవిశ్వాస తీర్మానం ఇచ్చిన విషయం అందరికీ తెలిసిందే. ఈ 16 మంది కార్పొరేటర్లను ఎమ్మెల్యే ప్రకాష్ గౌడ్ సముదాయించే ప్రయత్నం చేసినా.. వారి నుంచి ఎలాంటి స్పందన రాలేదు. దీంతో మంగళవారం ఎమ్మెల్యే ప్రకాష్ గౌడ్ మీడియా సమావేశం ఏర్పాటు చేశారు. ఈ సందర్భంగా ఆయన మాట్లాడుతూ.. కేవలం స్వార్థపూరిత రాజకీయాల కోసమే 16 మంది కార్పొరేటర్లు మేయర్ పై అవిశ్వాస తీర్మానాన్ని పెట్టారని అన్నారు. మేయర్ చేసిన అవినీతి, అక్రమాలు ఏంటో బయటపెట్టాలని, ఈ విషయం 16 మంది కార్పొరేటర్లు తన వద్దకు వస్తే విచారణ జరిపించి చర్యలు తీసుకునేవాడినన్నారు. కానీ ఈ 16 మంది కార్పొరేటర్లు తమ ఇష్టానుసారంగా నిర్ణయం తీసుకున్నారని, క్రమశిక్షణ చర్యల తీసుకోవాల్సిందిగా కేసీఆర్, కేటీఆర్లకు సిఫారసు చేస్తామని తెలిపారు.
Read also: ప్రాణప్రతిష్ట సమయంలో పుట్టిన బిడ్డకు రాముడి పేరు పెట్టిన ముస్లిం మహిళ
