దేశ ఆర్థిక రాజధాని ముంబై సిటీలో 6 ప్రాంతాల్లో బాంబులు పెట్టామంటూ పోలీసులకు బెదిరింపు కాల్ వచ్చింది. వెంటనే అలర్ట్ అయిన పోలీసులు.. భద్రతా సిబ్బంది తనిఖీలు చేపట్టారు. 26/11 తరహా దాడులకు పాల్పడతామంటూ హెచ్చరించడంతో సెక్యూరిటీ ఏజెన్సీలన్నీ అలర్ట్ అయ్యాయి. ముంబై ట్రాఫిక్ పోలీస్ కంట్రోల్ రూమ్‌ కు మెసేజ్ వచ్చింది. ఈ మెసేజ్‌లో ముంబైలోని 6 చోట్ల బాంబులు ఉన్నాయని, అవి ఎప్పుడైనా పేలవచ్చని దుండగులు పేర్కొన్నారు. ఈ మెసేజ్ తర్వాత, భద్రతా సంస్థలు అప్రమత్తమై సున్నితమైన ప్రదేశాలలో సెర్చ్ కార్యకలాపాలను ప్రారంభించాయి. దీంతో పాటు మెసేజ్ పంపిన వ్యక్తిని కూడా గుర్తించేందుకు పోలీసులు రంగంలోకి దిగారు.
అంతకుముందు, డిసెంబర్ 31, 2023న పోలీసులకు ఇలాంటి బెదిరింపు కాల్ వచ్చింది. కొత్త సంవత్సరం రోజున నగరంలో పేలుళ్లకు పాల్పడుతున్నట్లు ఓ వ్యక్తి బెదిరింపు కాల్ చేశాడు. ఈ కాల్ తర్వాత కూడా పోలీసులు అలర్ట్ అయ్యి అన్ని పోలీస్ స్టేషన్లు, క్రైమ్ విభాగాలను అలర్ట్ చేశారు. అయితే అది ఫేక్ కాల్ అని తేలింది.
