ఎలక్టోరల్ బాండ్ల వివరాలను ఈసీకి వెల్లడించడంపై గడువును మరింత పొడిగించాలంటూ ఎస్బీఐ దాఖలు చేసిన పిటిషన్ పై సుప్రీంకోర్టు నేడు విచారణ చేపట్టనుంది. చీఫ్ జస్టిస్ చంద్రచూడ్ నేత్రుత్వంలోని ఐదుగురు సభ్యుల ధర్మాసనం ఈ వ్యాజ్యంపై విచారణ జరుపుతుంది. ఫిబ్రవరి 15న, సుప్రీంకోర్టు రాజ్యాంగ ధర్మాసనం ఫండింగ్ పార్టీల కోసం ఎలక్టోరల్ బాండ్ పథకం రాజ్యాంగానికి విరుద్ధమని, పథకం చెల్లదని తీర్పునిచ్చింది. అలాగే ఎవరెవరు ఎంత విరాళం ఇచ్చారు అనే పూర్తి వివరాలను మార్చి 6లోగా ఎన్నికల సంఘానికి అందజేయాలని సుప్రీంకోర్టు ఆదేశించింది.
అయితే గడువు ముగియడానికి రెండు రోజుల ముందు సుప్రీంకోర్టును ఆశ్రయించిన ఎస్బీఐ బ్యాంకు.. సమాచార సేకరణలో జాప్యం కారణంగా జూన్ 30 వరకు పొడిగించాలని అభ్యర్థించింది. దీనిపై వివిధ వర్గాల నుంచి వ్యతిరేకత వ్యక్తమవుతుండగా.. తమకు అవకాశం ఉన్నా ఎస్బీఐ ఉద్దేశపూర్వకంగా జాప్యం చేస్తోందని ఆరోపిస్తూ స్టేట్ బ్యాంక్ ఆఫ్ ఇండియాపై సుప్రీంకోర్టులో కోర్టు ధిక్కరణ కేసు నమోదైంది.ప్రధాన న్యాయమూర్తి చంద్రచూడ్ నేతృత్వంలోని ఐదుగురు న్యాయమూర్తుల రాజ్యాంగ ధర్మాసనం ఈ 2 పిటిషన్లను ఈరోజు విచారించనుంది.
ఇది కూడా చదవండి: యూనివర్సిటీ క్యాంపస్‌లో 8 ఏళ్ల కుమార్తె గొంతు కోసి చంపిన ప్రొఫెసర్.!
